Nga Moteatea - Whanau-a-Apanui

00.00 - 02.08: Rapata Kingi me etahi atu tangata. "Tenei patere i rongo au i a Te Whanau-a-Apanui e haka ana na Te Whanau-a-Apanui, engari te ahua nei i pa mai a Tainui ki roto ki tenei patere...
"Tainui haere ra, takoto atu ki Kawhia..."
"Toia Tainui, tapotu ki te moana..."
02.14 - 05.11: Rapata Kingi me etahi atu tangata. "Ae. Kia ora. Ko enei haka, he haka whaiaipo ma nga wahine o Te Whanau-a-Apanui...i te mahi wera..."
Waiata moteatea - "Moe ana au ara i whakauru..."
05.16 - 07.22: Rapata Kingi me etahi atu tangata. "A, ko enei paopao, e haka ana nei e au, naku ano...No reira...ko enei whakahoki, hei whakawhaiaipo ra tona tikanga..."
Waiata moteatea - "He mea pai e hine..."
07.23 - 12.19: He kōrero tenei na Tipiwai, no Omaio...mo te parekura i Motu, i tahuri nei te waka ki reira.
E rua nga pakeke, 16 nga tamariki kura, no Maraenui, hara mai ai ki Omaio kura ai ki Otuwhare, ki enei o o ratou tupuna, matua noho ai. Hei nga Paraire mutunga kura, ka hoki nga tmariki nei ki o ratou matua ake i Maraenui...ka hoki mai a te Ratapu. I te waipuke a Motu i taua wa, i te rima o Akuhata, i te tau 1900. Ko nga tangata whakawhiti i te pere poti ko Kopu Erueti, ko Takamoana Erueti, he tuakana, he taina enei tangata. Na, i taua wa, he mahi whare te mahi a Te
Whanau-a-Apanui, hei whare wananga, kōrero i nga kōrero pakeke, nga kōrero whawhai. Na, ka whakaritea e nga tangata whakawhiti ma tetahi o ratou e whakawhiti mai nga tamariki, na ka hara mai. E rua nga pakeke ko Pani Retimana, ko Te Whaio, he wahine ke, e hoki mai ana te kuia nei ki tona kainga i Omaio...Ka noho, kei te tatari mai te mahita ra ki ana tamariki, ka tae ki te tiamana o te whare kura ki a Arapeta Pita, ka kōrero atu he aha raa te raruraru o nga tamariki nei i riro
ai, ka hara mai...a Arapeta ki te arataki i nga tamariki, a tae noa mai ki Maraenui. E mahi ana te hunga ra, ka ki atu, Kei hea nga tamariki? Ka ki atu, kua haere atu. A, kaare ra i tutaki i au. I reira tonu ka ohiti katoa te hanga ra, kua tohu. Katahi, ka wawe a Te Whanau-a-Apanui ki te akau haere ai. Ka ki atu tetahi wahine Te Mate Rangatira taua wahine, i kite ia ki tetahi waka i te wahapu o Motu. E rua nga tamariki i ru. Kaati, kaare hoki ia e karanga, e pohehe ai ia he rakau. Kei te tere hoki te rakau o Motu i taua wa..."
12.22 - 17.09: Rapata Kingi me etahi atu tangata. "Kia ora. Ko tenei waiata ka waiatatia ake nei na Ngāti Porou, he waiata mo tetahi hunga i tere ki te moana ki runga poti, matemate atu. Koianei te tangi mo ratou..."
Waiata moteatea - "He mahi a wahi e..."
17.20 - 20.57: He kōrero na Tipiwai o Omaio. "Ko tenei waiata, he waiata tangi na Te Whanau-a-Apanui i nga pakanga e rua ma a tatou tamariki, mokopuna e takoto mai ra i te maara o te pakanga..."
Waiata moteatea - "Tera te uira e hiko..."
21.07 - 26.53: Rapata Kingi me etahi atu tangata. He waiata na Ngāti Tuwharetoa.
Waiata moteatea - "Tera te kotonga..."
27.06 - 33.34: Rapata Kingi me etahi atu. He waiata na Te Kooti - "Pinepine te kura..."