00.00-00.46 Ko Heni Kemara o Hicks Bay, nānā te waiata nei.
00.46-04.46 ‘Taku rākau iri whare e...’
04.56-06.15 He kōrero whakamārama: Ko Tangi Taerapuha tēnei e waiata nei (Te Araroa). E waiata ana ia i te waiata kua hōrapa ki roto o Tūranga, ki Te Tai Rāwhiti katoa, arā, ko te tangi a Te Rina Turei ki a Paora Te Whakatihi. I pīrangi a Te Rina (tamāhine a Mohi Turei) ki a Paora Te Whakatihi. Kāore a Mohi e whakaae. Kātahi ka tutea tana tamāhine ki roto o Tūranga. I roto o Tūranga kua waiata mai a Te Rina i te kainga nei, a mate atu a Te Rina i Manutuke, kei reira e tapuke ana. Ka pōuri pea a Mohi i te matenga whakamomori o tana tamahine, ka tapaea tana tamāhine tuarua, o Waiaka, hei wahine mā Paora Te Whakatihi. `
06.15-10.03 ‘Tērā ia ngā torouka, ki Mataki-o-rei, whakatoro ana mai ko Whangawaka...’
10.16-11.24 He kōrero whakamārama: He waiata nā Hinewahirangi, he tangi ki tana tamaiti ki a Te Maatau. Ka mate rā hoki a Tikitiki-o-rangi i Waipapa, nā Ngāpuhi i patu. Ka mauria e Hinewahirangi tana tamaiti ki roto o Tokomaru. I reira ka puta mai ngā rongo kei pirangi tāne anō a Hinewahirangi. Ka mame [sp?] ngā tīpuna a Te Maatau, Te Whānau a Takimoana. Ka haere ia, ka tangohia mai tā rātou mokopuna i a Hinewahirangi. Ka rua pō ki te huarahi ka tangihia mai e Hinewahirangi tana huatahi te waiata kua mōhio katoa nei e tātou, ‘Tērā ia ngā pikitanga tīpare o Nui e...’
11.24-13.52 ‘Tērā ia ngā pikitanga tīpare o Niu e...’
14.03-14.56 He kōrero whakamārama: Ko Ngāti Porou e waiata ana i te waiata e mōhiotia ana e te katoa engari hoki ehara i a Ngāti Porou tēnei waiata. Nō roto i Te Waiau, nā Ngāti Tamaterangi, tae atu ki a Ngāti Ruapani e noho rā i Waikaremoana. E ki pēnei au nā te reo.
14.56-18.36 ‘Ruia atu rā ngā whetu...’ [see Ngā Mōteatea Vol. II, No. 125, pp 86-7].
18.47-19.14 Ko ēnei waiata e waiatatia nei e Ngāti Porou, ko ngā waiata mō Rapata Wahawaha i te wā o te whawhai o Te Hauhau.
19.14-22.11 ‘E rere rā e te tira ki waho rā...’
22.18-22.41 Ko Ngāti Porou anō tēnei e waiata nei i tēnei waiata engari ehara i te āhua, ehara i a Ngāti Porou, engari he waiata i poia haeretia e te motu, ā, tae mai ki konei te waiata e waiatatia ana ia wā, ia wā.
22.41-25.59 ‘Erangi rā ia ki te Ratorua...’ [see Ngā Mōteatea Vol. II, No. 91, pp 2-3].
26.07-26.42 He kōrero whakamārama: Ko tēnei, ko Mere Katene e waiata ana ināianei. Tēnei waiata nā Apirana i kōrero ki a ia me waiata i tēnei waiata. He waiata tēnei i te haerenga o Paratene Ngata mā ki Heretaunga i te hui whare karakia i reira, me tana kōrero ki a Mere Katene me waiata, e hoa, i tēnei waiata ia wā.
26.42-29.40 ‘Tērā te pūkohu mā tonu mai...’ [see Ngā Mōteatea Vol. III, No. 229, pp 130-1, a variation].