Rua Cooper - kaumātua o Waikato.
Part five (of six) of a biographical series produced by Haare Williams [in Te Reo Māori].
He piko he taniwha, he piko he rangatira, he piko he tangata", ko te iwi e mihi nei ki a koe e te matua Rua Cooper ko koe rā kua tae ki ngā whare teitei o te mōhiotanga, taumata tangata pupuru kōrero, pupuru takitaki.
I te wā e mataara ana tana tinana, he tangata toa ki ngā tākaro katoa, ahakoa tana tino toa, ki te whanawhana whutupāora, he kōrero kē anō tā Te Puea.
I whānau mai a Rua Cooper i Mangatangi, ka whakapakari i tana tinana ki Te Awamārahi, a ka piritata ia ki ngā mahi a Te Puea Hērangi i whakanekeneketia ai tana whānau atu i ngā repo ki ngā puke hiwhiwhi hei whai i te ora mō te iwi whānui.
Nā Rua Cooper i mihi ki te rahi me te iti, ngā Kīngi ngā Kuini o te ao, ngā Pīhopa, ngā Pirimia, ngā mema pāremata, ngā rangatira rongonui o te ao, he tōtara whakaruruhau ki a Te Arikinui Te Atairangikāhu.
Ko Te Awamārahi te whakaaro nui a Te Puea, ka titiro a Te Puea ki te maunga ka whakahau i te iwi.
He tino ngākaunui a Rua Cooper kia mau ēnei kōrero rangatira hei whakaohooho i ngā uri whakaheke.
Ko Rua Cooper te mātāpuna awhi i te ao ki ngā parirau o te aroha, kia tau kia atawhai Te Atua ki a koe.