Ask to use material, get more information or tell us about an item
05/10/01 Hei te po nei ka whai mai nga take e pa ana ki te ra mo nga mahita o te ao,
te patunga i te hunga Muslims e noho ana ki Aotearoa, me te tu a Denise
Clarke hei kaiwhakawa mo te kooti a rohe.
Engari hei te tuatahi ka huri ake tatou ki Te Taitokerau..
Kei te tupato te haere o te iwi e noho ana i nga takutai o te whanga o
Hokianga, i te mea, kua puta te whakaaro, koi mutu to ratau waka kawe
motukaa, waka kawe taangata hoki.
Ko tenei kaipuke, e kawe ana i nga taangata ki ngaa rohe tawhiti, ki nga wahi
uaua o Hokianga, engari ka ngaro nga putea tautoko a Transfund, ki te kore e
piki te maha o nga taangata o runga i te kaipuke.
Kia huri ake tatau ki te rapu i nga whakaaro o Joa Topia
Audio
Hei te rangi tonu nei, ka whakanuia nga kura mahita puta noa i te ao. Ko
World Teachers Day te ingoa o tenei ra whakahirahira.
Hei roto i tenei ra, ka whai wahi te ao ki te titiro ki nga mahi a te kaiako,
ki te arotake hoki i nga mahi whakaako tamariki, pakeke hoki.
Me nga whakamarama anei a Ngaiwini Smith
Audio
Kei te tukino tonutia nga uri Muslim kei roto i a Aotearoa.
Koinei te ripoata kua tukuna e te Tari Tikanga Tangata. Ko te kaupapa, hei
whakamohio atu i te iwi puta noa, neke atu i te rima tekau o nga amuamu kua
whakatakoto ria e te hunga Muslim, he whakahe ki nga mahi tukino tangata.
Me nga whakamarama, kia huri ake tatou ki a Mare Heta.
Audio
I tenei wiki ki roto o Rotorua, i oatihia tetahi roia hei kaiwhakawaa i roto
i nga kooti aa rohe, i runga i te marae o Tamatekapua.
Ko te wahine nei ko Denise Clark, no roto kee o Ngapuhi. Ko tana hiahia ko
te anga o te titiro ki to taatau iwi.
Kia huri ake tatau ki te kōrero kia Rawiri Rangitauira
Audio
Kati ra kua rongo tatou ki a Rawirir Rangitauira..
Oti ra e te iwi .............
----