Ask to use material, get more information or tell us about an item
12/12/01 Kua mutu te hui a Nga Puhi me tetehi ropu pakihi no Singapore, ki te kōrero
tahi i nga ahuatanga kia hangaia tetehi hotera hou ki te raki, ki whea ranei.
Kua rongo hoki tatou he rereke te hanga o tenei hotera, ara he hotera ka tu
kei raro i te wai.
Me te hohonutanga o te kōrero kua puta i te hui, anei a Toro Puriri...
Audio
Kai ra ko Toro Puriri tera
Kei te kawea atu e Te Ohu Kaimoana nga kaupapa kōrero hou ,mo a raatau take
toha rawa hao ika a taaua te Māori. Heoi ano kei te kohikohi whakaro tonu nga
kaikomihana, kia marama katoa te iwi whanui ka ahu pewhea te kaupapa.
Me nga whakamarama kia huri atu te kei o te waka, ki te kōrero tahi me te
kaumatua a Toko Te Kani.
Audio
Ko etehi e kii ana kei te noho wehe tonu te ao Māori ki te haere whakamua nga
kaupapa Māori katoa, ko te kōrero ka tika me tiaki tonu o tatou whare tangata
me o tatou taonga kua tuku iho, ara ko te hunga tamariki.
Engari ina ka kore te reanga tane e haere to tika ana i te ao hurihuri nei,
ka matemate ke ko te hunga wahine me te hunga tamariki, i te kuware me te
patu kikino a te taha tane.
Me ona ake whakaro ki te whakatika o tatou tane, me te whakakotahi ai te
whakaro o taaua te tangata, anei a Tawhao Tioke.
Audio
Kua rongo tatou ki a Tawhao Tioke
Otira
Ko te hui a te Papa Atawhai me nga uri o Maanuka tutahi, tetehi o nga kaupapa
kei te ngutungutu hia e te iwi whanui. Ara kia mutu rano te tuku i te paihana
1080 ki runga ki te mata o te whenua, kei mate poka noa a Papatuanuku.
Heoi ano, me nga whakamarama anei a Joe Harawira.
Kei te haere ki whea te kaupapa mo nga moko mokai Māori, otira i tenei wa kei
te tirohia te hanga o nga pane tupuna kia mohio mai, no wai nga angaanga nei.
Heoi ano anei a Tunuiarangi Mclean, tetehi o nga kaiwhakarite moko mokai mo
te iwi o Tuhoe Potiki...
Audio
Ko Tunuiarangi Mc Lean tera.
Ko Toko Te Kani tera e kōrero ana ki a Dan Hiramana Rua.
----