Ask to use material, get more information or tell us about an item
Ko Ted Nepia te kaikawe kōrero. He hopunga reo tuatoru tēnei mō ngā kōrero tupua, ko Hirini Waititi te kaikōrero nō Whangaparāoa. (3/3). E hāngai ana tēnei hopunga ki ngā haerenga a Pou. Ka kōrero mō tāna wahine a Hinekimotu, me te ngaronga a tā rāua tamaiti a Hekopara ki te wai. He pōhēhē, nā Tangaroa te tamaiti i tāhae. Nā tēnā, ka whai utu a Pou. Ka whakaritea ko ngā taputapu hai patu i a Tangaroa. Ka waipuke a Mōtū, ā, ka whawhai rātou. Ka tahuri ngā kōrero ki ngā ingoa o ngā tipua o Mōtū, ko Hekopara, ko Hinekimotu, ko Waipunakihau, ko Peao, ko Tangitoronga, ko Pou, ā, ko Waiopikiariki. He tino kōrero wēnei nō Ngāti Horomoana (Te Whānau-a-Apanui), nō Te Waakatu Te Ranginooti, Erueti Tiketikeirangi, Eru Monita Temoihihi, rātou ko Paora Carpel. I rangona wēnei ki tētehi hui i tū ki Ōmaio i te 7 Noema, 1907. Waiata tangi: "E hika kua kore maranga mai ki runga whitiki.." He waiata tangi nā ngā mātua o ngā tamariki i mate i te Parekura i Mōtū. Ka mutu ngā kōrero ki tētehi hopunga reo, ko Te Pihana te kaikōrero. He mōrehu ia nō Ngāi Te Rangi. Ka kōrero ia mō Apanuimutu me tana haerenga ki roto o Mātuaiwi, Tauranga.
This episode is about Pou and the adventures and the death of their child Hekopara. It is also about the legends Mōtū and Te Pihana and an adventure in Tauranga featuring Hirini Waititi and Te Pihana.