2 (4). He kōrero tēnei i waenganui i a Ted rāua ko Pine Taiapa o Ngāti Porou, kei Tapatahi rāua i te riu o Waiapu. Ka kōrero a Pine mō Ngati Porou me ngā pitopito kōrero o reira. Ka tīmata ana kōrero ki a Toi, ka tātai whakapapa ki a Ruawaipū, kātahi a Pine ka kōrero mō te waka tuatahi i ū atu ki Waiapu. Ko te ingoa o te waka ko Nukutere, ā, kei a Te Whironui te mana whakahaere o te taua waka. Ko te wahine o Te Whironui ko Araiara, ka puta ko Huturangi. Ka huri ngā kōrero a Pine ki a Paikea rāua ko Ruatapu me te pakanga e kīia nei ko Te Huripureiata, ko te kōhurutanga tērā o ngā hoa o Paikea. Ka haere tonu ngā kōrero a Pine mō Paikea me tana tohorā i ū atu ki Ahuahu, kātahi ki Whangaokena, ki reira tūtaki atu ki te tamāhine a Huturangi, ka moe rāua. Ka tātai whakapapa a Pine mai i a Paikea ki Porourangi me tana tungāne a Tahu. Ka tīmata ngā kōrero a Pine mō te pakanga i te tau 1860, nā Taranaki te pātai ki a Ngāti Porou kia whawhai rātou i te Pākehā, kei riro ō rātou nā whenua. Ka huri anō ana kōrero ki a Kuini Wikitōria me tana noho i Rangitukia i raro i te kaumātua a Mōkena Kohere. Hei mutunga, ka kōrero ia mō Matiu Paeroa me Hōri Te Kore.
An interview with Pine Taiapa about Ngāti Porou.