Ko te hōtaka Neherā 6, i waihangatia e Te Reo Irirangi o Raukawa
Kaiwhakataki: Homai Uerata
Kaipāho/Kaiuiui: Rereata Makiha
Kaikōrero: Pineaha Murray
Ko te kaupapa kōrero mō tēnei wāhanga o Neherā ko te tikanga o te manu rongonui ki ngā rohe o te Nōta, te Kuaka. I whai wāhi a Rereata Makiha ki te noti mai i ngā mōhiotanga o tētahi o ngā uri kaumātua o te Nōta a Pineaha Murray.
Ko ngā āhuatanga o te Kuaka i kōrerohia:
He manu pai mō te kai, he wā anō tōna kua mōmona, he wā anō tōna hei pūpuhinga.
Ko ngā kōrero o te tipuna [Tūmatahinga] mō te kuaka, he kuaka mārangaranga.
Ko te rere o ngā kuaka, ka whakamārama a Pineaha i te kōrero nei. Ko te haerenga mai o te kuaka mai Rūhia ki Aotearoa.
Ko te rere o te kuaka, he kōrero noa iho kua rangona e Pineaha mai te haukainga.
He aha i haere mai ai te kuaka? Tēnā pea i tētahi wā o mua he hononga tā te Māori ki Rūhia. Mehemea, ka titiro ki te wāhi i haere atu nei ngā manu i te taenga ki Aotearoa mō ngā marama e ono, he wāhi wairua.
Ka whānau mai ngā pīpī kuaka ki tāwāhi.
Ruiruia tahitahia, koia rā te āhua o ngā manu inā rere atu ana rātou.