Ko te wāhanga Te Tauākī tēnei i waihangatia e Te Reo Irirangi o Raukawa.
Kaikawe kōrero: Vicky Rangi
Kaikōrero: Teneti Apiata (Tūhoe)
Kei te kōrero a Teneti Apiata mō te Whare Pora i whakatūhia i roto i te ngāhere. He whare manaaki tamariki nō ngā kōti, me ngā wahine kua uru nei i te raruraru. Tekau mā whā ki te tekau mā ono ngā tau o ngā tamariki nei.
Ko ngā kino i te ao ki waho ake i te ngāhere.
Te inu pia me te momi taru kino
Ko te āhuatanga o ngā tamariki i ngā wiki noho ai rātou ki rō ngāhere i te taha o ngā kaitiaki. Kaore kau he hiko, kāore kau he wharepaku.
Ka mahi kete, whakatipu kai, eke hoiho, tinu paraoa, ka ako hoki rātou i ngā tikanga o te ngāhere.
Kei a Tūhoe te oranga mō ngā tangata o waho, ā, ka whakamarama a Teneti i te kōrero nei. He kōrero miharo rawa.
Mai Ruatoki, Tāmaki makaurau, Pōneke, Tauranga ngā tamariki. Ka moe katoa rātou i te whare kotahi, ka karakia, ka kōrerorero ka kaitahi hoki.
E toru marama noa iho te roa ka noho ai ngā tamariki.
Kāore he take mō te moni i te ngāhere.