Ko Lynette Amoroa te kaikawe kōrero.
I roto i ēnei kōrero o Te Tauākī, he whakawhitiwhiti kōrero ki te kaumātua a Pīhopa Heta Te Haara, nō Ngāti Rangi. Ka tīmata ngā kōrero ki te whakatipuranga o te koroua nei. I tipu te koroua ki roto o Ōhaeawai, ki reira kuraina ki Te Kura Māori o Ōhaeawai, ka mutu ōna rā wharekura ki Northland College, ā, ka oti ki Te Kura Minita o Hoani.
Ka huri ngā kōrero ki ōna mahi whai muri i te kura. Ko te mahi kaihao me te mahi mihīni kākahu, ā, ka huri tōna aro ki ōna mahi minita. I te tau 1961 ka mau ia hei rīkona mō ngā pīhopatanga o Tāmaki Makaurau, ko te tau whai muri ka mau ia hei Pirihi, kātahi ka mārena i tōna wahine rangatira a Gwenneth Hansen.
I te tau 1992 ka whakawahi koia te Pīhopa tuatahi o Te Taitokerau, nānā hoki tērā i whakamana i te minitatanga o Te Tai Tokerau hei taonga whakamana i ngā mahi Minita.