Ko te kaupapa o te kōrero nei, ko te mahi o ngā wāhine me ngā kuia mā kei runga marae.
He wāhanga nui te manaaki manuhiri, te karanga kia whakaeke ngā manuhiri, me te āwhina, te tautoko i ngā waiata. Ko te mahi tuatahi, ko te pāoho i te reo ki ngā manuhiri whakaeke. E waiata ana ia i ngā pao, i ngā apakura, i ngā oriori.
Hei tā te kuia, kāore ia i whai i te whakaaro “kei raro au i ngā tāne”, heoi anō, kei te whakarongo ia ki ā tātou tamariki, i ngā wāhine kua hua te whakaaro pērā.
Ahakoa kāore e taea e tātou katoa te kite i ngā mahi o ngā wāhine, ka kitea e ia te kaha me te pakari o ngā wāhine ki te whakareri mai i te marae.
Ka pātaihia te kuia i te āhua o te tūpāpaku me te whānau pani ki runga i te marae. E ai ki te kuia, e tika ana me mōhio tātou ko wai ia, hei whakawhanaungatanga māna.
Ko tana pīrangi mō ngā wāhine, kia kaha mai te hokihoki mai ki ō tātou marae, kia mau tonu ai te wairua o tō tātou Māoritanga. Kia mau tonu ai te reo, ka hoki anō ki tō tātau Māoritanga.