Te Kohinga Taonga Māori

The Te Kooti Trail (Rudall Hayward, 1927).

Click here for English translation

Kua karangahia ngā taonga e pā ana ki te ao Māori, te iwi Māori hoki kei Ngā Taonga e puritia ana, ko 'Te Kohinga Taonga Māori.'

Nō Aotearoa whānui ngā kiriata me ngā hopunga o te kohinga nei, kei te pā hoki ki ngā kaupapa e hia, otirā he karanga, he whaikōrero, he kōrero tuku iho nā ngā iwi me ngā hapū, he pōwhiri, he wharenui, he marae, he kapa haka, ko ngā āhuatanga o te rā o Waitangi (mai i te tau 1934), he whakaaturanga whatu kākahu, he tukutuku, he whakairo, me ētahi atu kaupapa.

I tīmata Te Kohinga Taonga Māori i ngā tau 1980, i te rironga i te Film Archive ngā kiriata o Hēmi Makitānara i mahia i ngā tau 1920 mō Te Whare Pupuri Taonga o Te Tominiana o Aotearoa.

I haere a Makitānara rātou ko Te Rangihīroa (Tā Pita Buck) ko Apirana Ngata ki roto o Tūranganui-a-Kiwa, ki Te Tai Rāwhiti, ki Rotorua, ki Ruatāhuna me te awa o Whanganui. I kapohia ngā whakaahua o ngā whānau, ngā hapū me ngā iwi e 30 tau i mua i te hekenga nui ki ngā taone.

He mea āta whakarauora ēnei kiriata. Kia pai ai hoki te mārama i ngā kiriata, i hui tahi ki te kōrero ki ngā iwi, ā, i rangahaua hoki ngā tuhinga a Makitānara rātou ko Elsdon Best ko Johannes Anderson.

Kia pai ai Te Kohinga Taonga Māori nei, kei te kōrero tonu mātou ki ngā iwi, kia tika ai te whakaatu i ngā whakaahua o ngā tūpuna me ā rātou mahi.

Tangata Whenua: The Spirits and Times will Teach (Pacific Films, 1974). Tuaiwa Hautai Eva Rickard (Tainui Āwhiro), Herepō Rongo (Tainui Āwhiro), Michael King.

Ēnei Rā

Kei te kohikohi haere tonu a ngā Taonga i ētahi atu taonga e pā ana ki te ao Māori.

Ki te hiahia ētahi ki te whakamahi ake i tētahi taonga o Te Kohinga Taonga Māori, ka kōrero tahi mātou ki ngā kaitiaki o aua taonga kia tika ngā whakaaetanga.

Te Rua tēnei whakaahua (Barry Barclay, 1991). Kei te hikitia te tapu e ngā tāngata o ‘Uritoto.’ Kei te kitea a Nessie Herewini (i karangahia ko Nanny Matai) rāua ko Tilly Reedy (ko Mere).

Ki te kitea he taonga Māori, ka kīia nō Te Kohinga Taonga Māori kia kī rā anō ngā iwi, ehara i te mea me noho ki tēnei kohinga.