Ngāruawāhia

Peha Wharekura (Ngāti Māhanga, Ngāti Whāwhākia)

He kaumātua a Peha Wharekura nō Waahi Marae nāna ngā hōia i whakatau ki Tūrangawaewae.

I puta a Wharekura i te Whare Wānanga o Tainui, ka matatau rawa atu ia ki ngā tikanga o Waikato. He iti te kōrero mō tēnei kaumātua. Nō reira mēnā he kōrero anō āu māna, tēnā tukuna mai.

Te Whakarārangi 5442
Te tau 1946
Ngā hōnore Kaikōrero: Peha Wharekura

Tiaki Hira (Ngāti Tipa, Ngāti Tahinga)

Ko Tiaki Hira te kaikōrero mō Kīngi Korokī, waihoki ko Kīngi Mahuta rātou ko Te Rata. He mōteatea tona kinaki.

Nō reira he rangatira, he mana nui āna kupu. Koia hoki tētahi o ngā tauira o mua nō te Whare Wānanga o Tainui, nā whai anō kua tohunga ia ki ngā tikanga o Waikato.

Te Whakarārangi 5442
Te tau 1946
Ngā hōnore Kaikōrero: Tiaki Hira

Rōre Erueti (Ngāti Māhanga)

He tauira o mua a Erueti nō te Whare Wānanga o Tainui, nā whai anō kua tohunga ia ki ngā tikanga o Waikato. He iti te kōrero mō tēnei kaumatua. Nō reira mēnā he kōrero anō āu māna, tēnā tukuna mai.

Te Whakarārangi 5442
Te tau 1946
Ngā hōnore Kaikōrero: Rōre Erueti

Mutu Paratene Kapa, 1870-1968 (Waikato, Ngāti Maniapoto, Te Aupōuri)

Ka pōhiritia Te Rua Tekau mā Waru e Mutu Kapa ki runga o Tūrangawaewae.

He mana rongonui tā te koroua nei. He pānga ōna ki a Tainui, Te Aupouri, me te aha, he hononga ōna ki te Kīngitanga. Ka mutu, i a ia e takoto ana ki tana moenga mate, ka tutū te tohe mō tana takotoranga. Kāti, kei Ōtāhuhu a Kapa e nehu ana.

Te Whakarārangi 5442
Te tau 1946
Ngā hōnore Kaikōrero: Mutu Paratene Kapa

Rēnata Kēnana Clarke

He iti ō mātou mōhiotanga ki tēnei kaumātua, a Rev Canon Clarke. Ka āpiti atu ia i ana mihimihi ki ngā hōia. Mēnā he kōrero āu mō te koroua nei, tēnā tukuna mai.

Te Whakarārangi 5442
Te tau 1946
Ngā hōnore Kaikōrero: Minita Kēnana Clarke

Rēnata Ngātete Kerei Kukutai, ?-1966 (Ngāti Tipa)

He rangatira mana nui a Rev Kukutai (Te Hāhi Weteriana.)

I te tau 1934 i haere a Kukutai ki te Rohe Pōtae, ki reira ia mahi ai hei tangata mihingare. Muri tata iho, i te tau 1941 ka whakapōtae ia hei minita Māori. Kātahi ka riro i a Kukutai te tūnga tiaparani mō Kīngi Korokī, tae noa atu ki te tau 1954. Mutu ana ngā mahi, ka hoki a Kukutai ki tōna hau kāinga o Tuakau, whakatā ai.

Collection reference 5442
Year 1946
Credits Kaikōrero: Rēnata Ngātete Kerei Kukutai