Tukua

Haare Williams: Rua Cooper-kaumātua o Waikato

Loading the player...

Haare Mahanga Te Wehinga Williams 1936 - (Te Aitanga-a-Māhaki, Rongowhakaata, Ngāi Tūhoe, Te Whakatōhea)

I whānau mai a Haare i Puha i Te Karaka i Tūranganui-a-Kiwa, ka whāngaihia e ia ana tīpuna i te tahatai ki Ōhiwa i Ōpōtiki. Nō te iwatanga o ngā tau kātahi anō ia ka tīmata ki te kōrero Pākehā. I kuraina ia i Ōpōtiki, i Waikohu me Whakatāne. Ka ako i ngā mahi māhita i te Kāreti i Ardmore me te Whare Wānanga o Tāmaki Makaurau, ka riro i a ia te B.A. me te Dip.Ed.

Ka akohia e ia i ngā kura o Maungatapu i Tauranga, i Te Āputa ki Taupō, i Matauri hoki i Te Tai Tokerau. Ka ārahina e ia ētahi mahi i te Kāreti o Ngā Tapuwae. Ka akohia e ia i Te Kāreti Māhita o Ardmore i Tāmaki Makaurau hoki. Ka huri ki ngā mahi rangahau, kauwhau hoki i Te Whare Wānanga o Waikato.

Ka pau i a ia, kia 11 tau e ārahi ana i ngā mahi reo irirangi. Ka noho hei kaiārahi tuatahi i te teihana Māori o Irirangi Aotearoa, arā, Te Reo o Aotearoa, i te tau 1978, nāna a He Rerenga Kōrero me ētahi pakipūmeka mō Rua Cooper o Waikato, e ono hoki ngā wāhanga.

Ka whakatūria e ia, ka ārahi hoki i a Ngā Puna Waihanga mō ngā tau e rima, nāna i ētita tā rātou pukapuka a Kohu. Kua puta ana kōrero ki ēnei pukapuka: Pacific Quarterly Moana, Koru, Te Māori, Te Ao Hou, me Marae hoki. Ka noho kaikaunihera ia i te Kaunihera o Papakura, nāna hoki i ārahi te Kōmihana mō te 150 o ngā tau o te Tiriti.

He kaituhi rotarota, pakiwaitara poto, waiata hoki a Haare, tae noa ki ngā kōrero pono. Kua mahi tahi rāua ko te kaihautū waka a Hekenukumai Puhipi hei tuhi i te tohungatanga a ō tātou iwi, whanaunga hoki ki te tātai whetū i ngā moana nui.

Nāna i kohi ngā kōrero o ana kaumātua mō te Rōpū Whakamana i te Tiriti o Waitangi, ka whakamāoritia hoki aua kōrero. He kaitā tuhinga ia, kua puta ana mahi ki Tūranga me Tāmaki. Kua puta anō hoki ana rotarota ki Te Ao Mārama me ngā pukapuka kura.

Ref: www.komako.org.nz/person/1429

Image: kindly supplied by Radio Waatea – UMA Broadcasting Ltd

Te Whakarārangi 41670

Te tau 1991

Ngā hōnore

Kaitaki kōrero: Haare Williams
Kaikōrero: Rua Cooper

Tohua māu

Tono kōrero mai

We use cookies to help us understand how you use our site, and make your experience better. To find out more read our privacy policy.

Whakamahia ai mātou ngā pihikete ki te rapu māramatanga ki te āhua o tō whakamahi i tēnei paetukutuku, ki te whakapai hoki i tō whai wāhi mai. Ki te rapu kōrero anō pānuitia te kaupapahere tūmataiti.

Accept