Ko Maioha – Te Reo o te Māreikura te tuawhā o ngā whakaaturanga ipurangi nā Ngā Taonga Sound & Vision e whakanui ana i ngā oro o Ngā Taonga Kōrero, he kohinga i takea mai i a Irirangi Aotearoa me ana tuākana.
He kohinga wāhine Māori a Maioha i puta i te tau 1993. Nā te peka o Waiatarau o Te Rōpū Wāhine Māori Toko i te Ora, hei whakanui i te tau o Ngā Iwi Taketake me te huritau o te Whiwhinga Pōti ki Ngā Wāhine. Kei te reo Māori te nuinga o ngā uinga, ā, nā ētahi kaiui ngā kōrero, arā a Puhi Rangiaho rātou ko Tawini Rangihau, ko Piri Kākā, ko Hēnare Te Ua me Hemana Waaka o ngā hōtaka o Te Reo o te Pipiwharauroa me He Rerenga Kōrero.
I uia a Ahorangi Rangimārie Rose Pere rātou ko Kahurangi Miraka Szaszy, ko Te Aomuhurangi Te Maaka Jones, ko Kōhine Ponika mā. Ko te upoko o te peka o Waiatarau i taua wā, ko Kahurangi Georgina Te Kamiria Kirby, nāna i whakamārama ki te reo Pākehā ki a Hēnare Te Ua te kaupapa i kohia ai ēnei kōrerotanga.
I tautoko a Maioha i te pukapuka a Te Rōpū Wahine Māori, a Te Timatanga – Tatau Tatau, i whakanui rā i ngā wāhine o te rōpū nā rātou te huarahi i para. I puta te pukapuka nei i te tau 1993.
E 50 katoa ngā wāhine i uia, nā rātou anō ō rātou reo i whiriwhiri kia rongo ai ngā reo rangatahi, pakeke hoki, rongonui, whakaiti anō. I ū katoa ngā wāhine nei ki ngā kaupapa whakawhanake i te kāinga, i hea rānei.
Ka korero anō a Kahurangi Georgina i tana hiahia kia maha ake ai te hunga wāhine ki roto Pāremata, nāna te petihanahia ki te whare paremata anō hoki. Ka kōrerotia te wāhanga ki ngā wāhine Māori i te wā i whawhaitia te pōti wāhine i te tau 1893. I hainatia hoki te petihana whakatiki waipiro, tūpeka, me te ngaro o tēnei mea te mau moko kauae.
Ka kōrero anō te tino rangatiratanga, te tū a ngā wāhine ki te kōrero, ngā kaiārahi rangatira o mua a te Rōpū Wāhine Māori Toko i te Ora me ētahi atu take o te wā.
Kei konei te whānuitanga o ngā korero a Kahurangi Georgina Kirby.
Ānei anō ētahi atu o ngā uinga mō Maioha, ki te reo Pākehā. Kei tō mātou pae ipurangi.
We use cookies to help us understand how you use our site, and make your experience better. To find out more read our privacy policy.
Whakamahia ai mātou ngā pihikete ki te rapu māramatanga ki te āhua o tō whakamahi i tēnei paetukutuku, ki te whakapai hoki i tō whai wāhi mai. Ki te rapu kōrero anō pānuitia te kaupapahere tūmataiti.
