13/11/01 Tena Koutou e te iwi ko AL tenei e kawe atu i nga kohinga Rangona kōrero o te
wa.
Taku aituaa..... taku aituaa....
Kua taiapo nei a Tawhiro Maxwell, ki te rei o Aituaa Kaiponu Kino.
No roto mai a Tawhiro i nga kaawai o Ngai Tai ki Torere, me Te Whakatoohea.
Ka takoto toona tinana ki te marae o Toorere-nui-a-Rua. I tenei waa, kaore i
te mohio aawhea te raa nehu.
Kua here mai nei a Joe Harawira, ki te tuku poroporoaki ki te tootara
whakarangiora nei a Tawhiro Maxwell.
44 oona tau, imate mai i te atapoo nei, hei teenei ahiahi ka noho poo aia ki
toona kaainga i View Rd i Opotiki.
Hei te ata ka whakatauhia ki te kareti... i muri i teeraa ka neke atu ki te
whare karakia o Hiona.
a ki Omarumutu haere tonu ki Torere...... A te ata o te Paraire tekau ma
tahi o nga haora, ka nehua.
Hei poroporoaki anei a Joe Harawira.
Audio
Ko Joe Harawira tera.
Ki Te Whanganui a Tara,
mo nga nekenekehanga hou kei roto i te ao torangapu kia huri ake tatou ki te
whakarongo ki ta maotu kaikawe kōrero o te whare paremata ki a Shane Taurima
Audio
Kati ra ko te reo o Shane Taurima tera.
Kua puta i te kaiwhakahaere hou o te roopu Nahinara a Bill English mehemea ka
toa ratou i nga kowhiringa pooti o tera tau, na ka hoki atu a Nahinara hei
Kawanatanga ka hokona atu ratou i te pakihi waka rererangi o Air New Zealand
me te whare moni hou a Jim Anderton a Kiwi Bank.
I runga ano i tenei kaupapa kia huri ake tatou ki a Te Rewa Marsh.
Audio
Ko Te Rewa Marsh tera e kōrero ana ki a Kingi Taurua.
Katahi anoo ka pootihia nga mema o nga poari hauora aa rohe, huri noa i te
motu.
I roto o Te Tai Hau-a-uru, ki Taranaki rohe, ko Hayden Wano teeraa kua tuu
hei heamana mo taua poari, otira koia te rangatira o Tui Ora.
Me etahi whakamaarama, anei a Wharehoka Wano..
Audio
Kati ra kua rongo tatou ki a Wharehoka Wano
----