He mea akiaki ki nga matua Māori ki te mau a ratou tamariki ki nga kura e kia nei te kindergarten me te playcentre e etahi wahine tokotoru no Te Tai Tokerau, na te mea e haere whakamuri ana nga tamariki Māori i nga tamariki Pakeha.
Ko nga wahine tokotoru ko Te Arani Mate Toia ratou ko Miria Rose, ko Raina Baker. No Kaikohe a Te Arani Mate Toia Apiha, he apiha ia mo te Ropu Wahine Toko i te Ora. No Whangarei a Miria Rose, kua haere tana tamahine ki te kindergarten. Ko Raina Baker te kaikorero tuatoru, kua haere tana tamariki ki te playcentre. Na Sonny Baker o te tari Māori i whakomohio mai ko wai nga wahine me to ratou kaupapa.
I hopukia nga kōrero nei mo te wiki mo nga kura ririki, ara mo nga pre-school services, mai te tuatoru tae noa ki te tuawhitu o Mei, 1965, i tu ki Whangarei.