Nga Kohinga Kōrero / Ruia Mai.

27/09/01 Hei te po nei ka whai mai nga take e pa ana ki te tahi ripoata e pa an aki
nga wahine Māori, te akonga o te reo i roto i nga kura tuarua, a kia mutu me
kōrero tatou mo te kaitono mo te koromatuatanga o Tamaki Makaurau a Matt Mc
Carten

Engari hei te tuatahi me huri te kei o te waka ki a Tauranga.

Hei te ata nei, ka tae atu te Pirimia me nga Minita mo nga take Māori ki te
rohe o Te Waiariki.

Whai muri mai ana tenei haerenga, i nga huihuinga kua whakaturia ki nga
topito katoa o te motu, i roto i nga marama tata ake nei.

Hei roto i enei haerenga o te kawanatanga, ka whai wahi te Māori ki te
whakaputa i ona whakaaro, kōrero hoki ki etahi o nga Minita o te Runanga o te
Kawanatanga.

Me nga whakamarama anei ta matou kaikawe kōrero a Shane Taurima.

Audio

Kei runga ano i te kaupapa mo te roopu Wahine Māori, engari ko te rereketanga
kua hua mai he purongo mai i te Tari waahine a te Kawanatanga e whakapae anaa
ko a tatou waahine Māori kei raro rawa i nga taumata teitei i roto i nga
ahuatanga penei i te whiwhi mahi, aa hauora me te matauranga.

Heoi ano e kore tenei purongo i te rata ki etahi o nga waahine o te motu
penei ia Putiputi O'Brien .

Audio

I roto i te hui a tau o Te Wehenga Rua, i whakatakotohia e te Roopu Te
Huarahi ara ko te wahanga Māori o Te Wehenga rua i ta ratou kaupapa nui, Ko
te Reo te Putake o te Hihiritanga.

E noho orite ana tenei kaupapa i te kaupapa nui o te nga mema Māori o Te Riu
Roa i tera tau, otira kia uru atu te reo Māori ki roto i nga Kura tuarua Puta
noa i te motu.

Heoi ano mo te roanga ake o tenei kaupapa kia huri ake tatou ki te kōrero atu
ki te kaumatua o te Wehenga Rua a Te Whare Turuwhenua.

Audio

Kua tuu te ringa o Matt McCarten, tetahi o ngai taaua, ki te whakataetae mo
te turanga mo te koromatua o te taone o Tamaki Makaurau.

No te wiki tonu nei, i tuu tetahi hui tautoko i a ia ki te tari o Te Puni
Kokiri, no reira kia huri ake tatau ki te kōrero kia Naida Glavish, heamana
tawhito o te kaunihera Māori o Tamaki Makaurau.

----