20/12/01 Ko te pukapuka katahi ano kua tuhia e Te Ohu Kaimoana, e kiia nei
"He Anga mua"
I te wiki kua taha atu i kōrero tahi matou o Ruia Mai, me te heemana o Te Ohu
Kaimoana a Shane Jones i nga ahuatanga katoa mo ta ratou puka hou.
Heoi ano me huri te kei o te waka ki te kōrero tahi, ki tetehi atu o nga
kaikomihana, mena kua whai hua nga kaupapa a Te Ohu Kaimoana i tenei tau...
Anei a Naida Glavish.
Audio
Kati ra ko Naida Glavish tera.
Ko tetehi atu o nga kaikomihana hou me kii, ko June Mariu, koia hoki te
heemana tawhito o te Whanau o Waipareira, me te perehetini hoki o te ropu
Netipaoro Māori o Aotearoa. Kore he kore, he wahine tenei ka taea te aha.
Heoi ano me te hohonutanga o te kōrero, me pewhea hoki nga take maha kua
mahia e Te Ohu Kaimoana ite tau nei, anei a June Mariu..
Audio
ko June Mariu tera.
Ki runga tonu i te kaupapa o Te Ohu Kaimoana rua mano ma tahi...
I nga tau ki muri i pupu ake te whakaro kia hangaia tetehi ropu, hei mangai
kōrero ma nga hapu maha, e pirangi tia ana kia whakatere rawa te toha i nga
rawa hao ika. Ko te ropu e kiia nei, ko te Treaty Tribes Coalition te
whakatinana tanga o te tumanako i wawata hia ai.
Otira hei whakarongo tanga ma tatou, he aha nga kaupapa kua tutuki pai i te
tau nei, anei a Tame Te Maro.
Audio kua rongo tatou ki a Tame Te Maro.
Inapoo raa i roto i te whare paaremata, i hipatia te pire whakakore i te
hunga e kiia nei, he pekepeke waka.
Otira i tipu te whakahee o te kaawanatanga ki tenei mahi, a nga kaitorangapuu
e huri tuaraa nei ki o raatau roopu, katahi ka hono ki roopu kee.
Heoi ano i kitea tenei mahi i nga tau oo mua, i te waa i mutu mai a Alamein
Koopu i te taha o Tuhono.
Me oona whakaaro, kia huri ake taatau ki a Te Wharekaihua Coates
Audio.
Ko
----