14/02/02 Kohinga Kōrero: Mihi/Intro
Kua puta i a Joe Hawke, puukenga totohe mo te whenua tipuna o Takaparawhaa i
nga tau whitu tekau, no enei raa, mema paremata no te roopu Reipa, e kore ia
e tuu pooti ano ki nga pooti kawanatanga e haere ake nei.
Mo nga pooti e wha tenei kaumatua o Ngāti Whatua e whakataetae ana i te turu
o Te Taitokerau, otira no te raa nei i whakatau ka mutu ana mahi whawhai
pooti mo tenei o nga pooti kawanatanga.
Kia whakarongo atu taatau kia Dover Samuels mema mo te Taitokerau..
Audio
Kati ra ko Dover Smuels tera.
Inanahi ra i puta nga kōrero tuatahi a mai i te Minita Māori a Parekura
Horomia mo aana wawata mo tenei tau. He tau nui tenei mo Parekura me te roopu
reipa hoki i te mea konei te tau mo nga Kowhiringa pooti.
Heoi ano kia whakarongo atu taatau kia Parekura Horomia te Minita Māori
Audio
ko te reo tera o Parekura Horomia.
Kei te maringi tonu te hinu o te kaipuke Jody.F. Millinium ki roto o te moana
o Turanga nui a Kiwa. Kei runga o te moana te hinu e teretere ana engari kei
reira hoki nga kai mahi e hopu ana i nga hinu i mua o te mau i nga huruhuru o
nga manu moana.
me te tere atu ki te waahi o nga kai moana.
Anei tetahi o nga kaikōrero ko Thelma Karaitiana ki tewhakamaarama mai te
kaupapa kia tatou.
Audio
Kua rongo tatou ki a Thelma Karaitiana.
Kei te whiua e te kooti -kia taumaha te here ki runga i te tangata mo te mahi
hara kino rawa- penei i te raweke wahine- te patu tangata mo te kore take
noa- me era atu hara e kore nei e taea te whakahua.
Koia enei ko etahi rereketanga o te pire kei mua i te kawanatanga i naeanei
I tenei wa- he tekau tau te here -mo te tangata kohuru- i mua i te haerenga
ki mua o te aroaro o te roopu whakawaa-
Engari a mua ake nei- kia pou raano te tekau ma whitu tau -katahi ano te mau
here ka tirohia e te roopu whakawaa.
Anei ko Annette Sykes hei whakamaarama i oona ake whakaaro e pa ana ki tenei
pire
Audio
Ko te reo tera o Annette Sykes.
Oti ra e te iwi........
----