13/02/02 Kohinga Kōrero: Mihi/Intro
E tautoko ana te Heamana o te poari o Te Mangai Paho a Toby Curtis i te
whakatau a Te Mangai Paho ki te tukuna atu i nga putea ki te kamupene a
Tukoroirangi Morgan a Astreaus ki te hanga i te whakaaturanga Hawaiki.
Kia huri ake tatou inaianei ki te whaiwhai haere i nga whakaaro a Toby Curtis.
Audio
Kati ra ko Toby Curtis tera.
I te ra o Waitangi- i tuu tahi a te Torangapu Kakariki ki te taha o nga kai
porotehi- ki te tautoko i te kaupapa Tinorangatiratanga a whai tia ana e te
iwi Māori.
Hei ta te Torangapu Kakariki -ko tae te wa me titiro whakamua a ngai pakeha
ki tenei hiahia -i te take kei te whakapono Te Torangapu Kakariki-kahore te
iwi Māori i tuku i o ratou mana hakahaere ki tetahi atu tangata.
Ara- ko puta ano nga whakahe o kaki whero ki Te Torangapu Kakariki- kei te
kii- e mahi raruraru tenei-na reira me tapahi te kakii o te torangapu
Kakariki i tenei wa tonu
Kia huri ake tatou ki te whakarongo ki nga whakamarama a Tumanako Waewae e pa
ana ki tenei kaupapa.
Audio
Ko te reo tera o Tumanako Waewae.
Ko puta ano he tatauranga e tohu ana -e maha ake nga waahine Māori ia pakeha
ka hapu.
Ko te patai i naeanei - e aha ke i penei ai a ngai taua -i te take- i nga wa
o mua- kahore e rangona ana tenei ahuatanga
Tuarua----te nuinga o nga taane e pakeke ake i nga waahine-ara, ka hapu te
wahine ka oma te taane- kahore e kitea ano
Kia whakarongo ake tatou ki te kuia nei a Te Rewa Marsh Mai o Tainui waka me
Ngapuhi.
Audio
Kua rongo tatou ki a Te Rewa Marsh.
Kei te wherawhera te kawangatana me pehea e whakatikahia nga taake i utainga
ana ki runga i nga Hainamana i nga tau 60 kua pahure.
Inapo i kōrero te Pirimia a Helen Clarke mo nga hee o nga tau ki muri hei
taana kua tau te waa kite mau i te rongo ki runga i tenei take.I nga tau 1800
kite 1944 i taakehia nga hainamana e kuhu mai ana ki Aotearoa nei
Ki ta Helen Clarke ano kei te wherawhera ia i tetahi utu mo ratau..
Kia whakarongo atu taatau ki te Ahorangi a Ranginui Walker mo tenei take.
Audio
Kati ra ko Ahorangi Ranginui Walker tera e kōrero ana ki a Tamati Waaka.
Oti ra e te iwi ..................
----
Kohinga kōrero 13/02/02
----