Ask to use material, get more information or tell us about an item
18/02/02 Kohinga koorero: Mihi/Intro.
I tau te rehu o te kohu mai i nga whaaruarua o Te Urewera, ki runga o Kaawhia
Moana, i te ra horoi kua hipa, ki te hura i te tohu whakamaharatanga ki too
raatau tipuna i mate ki reira, a Tuhoe Potiki.
Anei a Wharehuia Milroy.
Audio
Kati ra ko Wharehuia Milroy teera
Kua roa nei a taua te tangata e tukinotia ana e te pirihimana mo te kore noa,
mai rano koinei te kōrero kua puta i te hunga rangatahi. I te wa e hikoikoi
ana ratou ki wiiwii, ki waawaa, katahi ka hau mai te ropu pirihimana ki te
whakararu i te tangata.
Heoi ano ko tetehi o nga roia wahine Māori rongonui o Aotearoa e matatau ana
ki tenei tu momo ahuatanga ko Annette Sykes.
Me te hohonutanga o te kōrero kia huri ake tatou ki te kōrero ki a ia.
Audio
Ko Annette Sykes tera e kōrero ana ki a Tamati Waaka...
No te Ratapu nei i kitea tuatahitia te pikitia o Te Tangata Whai Rawa o
Weneti, e nga kanohi o Kirikiriroa. He pikitia tenei i hangahia e te Māori,
ko nga kaiwhakaari he Māori, ka mutu, ko te reo, no taaua anoo.
Ko tetahi i tae ake ki te maatakitaki, ko Atirau Paki, kaiwhakaari hoki o te
hotaka o Pukana.
Audio
Kua rongo tatou ki a Te Atirau Paki.
Audio
Enoho ana tatou ki runga i tenei kaupapa a kia huri ake tatou ki nga
whakamaarama o Ngarimu Daniels, tetahi o nga whetu maarama o te tangata whai
rawa o Weniti.
Audio
Kati ra ko te reo o Ngarimu Daniels tera.
Oti ra .
----
Kohinga koorero 18-02-02
----