Nga Kohinga Kōrero / Ruia Mai.

08/03/02 Kohinga kōrero: Mihi/Intro
Me huri ke te kei o te waka ki te Whanganui a Tara, kei reira to matou
kaikawe kōrero a Shane Taurima hei whakakapi ai nga mahi kei roto i te whare
paremata i tenei wiki mutunga te tuawaru o Pou tu te rangi.

Audio

Kati ra ko te reo tera o Shane Taurima.

Kua puta mai tetehi ripoata i te whenua o Amerika, e kii ana, kei te tukino
hia ai nga wahine o Aotearoa e nga taane, i te piki tanga ake a nga
tatauranga patu wahine ki Aotearoa.

Inaianei ki taa te ripoata e kōrero ana, kua tau atu nga keehi neke atu i te
whitu mano te rahi kei mua i te aroaro o te kooti.

Otira me ana whakutu ki te ripoata i ahu mai i a Amerika, anei a Jim Rimene...

Audio

Kua rongo tatou ki a Jim Rimene.

Kei te kapi ai nga huinga whakawhiti kōrero mo nga take tohaina rawa hao ika
a Te Ohu Kaimoana. I te wiki nei, kua hau atu nga kaikomihana ki te Tai
Tokerau mutu ake i te Marae o te Pae o Hauraki.

Me nga whakamarama anei a Naida Glavish...

Audio

Ko Naida Glavish tera e kōrero ana ki a Tamati Waaka.

Te moemoea a nga tohunga matauranga- kia rima rau tauira Māori e whiwhi i te
tohu Phd i roto i te rima tau.
Koi nei tetahi o nga kaupapa kei te hakahaere hia i te kura wananga e kii
anei ko Te National Institute of Research Excellence for Māori Development
and Advancement . kei te here atu tyenei kura kii te kura wananga o TMK.

I tenei wa tonu-tahi rau rima tekau noaiho nga Māori ko whiwhi i te tohu Phd.
kia huri ake tatou ki te whakarongo kia Dr Makere Mutu - tetahi rangatira ko
roa nei i whiwhi i tenei tohu.

Audio

Kati ra ko te reo tera o Takuta Makere Mutu.

Kei te totoro atu te kura National Institute of Research ki tetahi atu
kaupapa ara ki te whakaako i nga tauira te huarahi e mau ai nga whakaaro a te
Māori, pakeha hoki- e pa ana ki te taha hauora ,taha matauranga me te
Putaiao.

Mehemea ka rite te hiahia - ka puta he painga ki te Māori- i te take ka mohio
te Māori ki te mahi i roto i nga ao e rua.

Kei a Ahorangi Ranginui Walker nga whakamaarama.

Audio.

Kati ra kua rongo tatou ki a Ranginui Walker.

Oti ra e te iwi.

----