Ko Ted Nepia te kaikawe kōrero. He uiuinga me Henare Gilbert, nō Waikaremoana, nō Ngāi Tūhoe. (1/3). E hāngai ana tēnei hopunga ki te wā i noho a Ted ki Poihākena, Ahitereiria ki te taha o Hēnare. I te tau 1969 i hūnuku a Hēnare me tana wahine ki Poihākena, ka waiho ki muri ko Wainuiomata. E ai ki a Ted, he toki a Hēnare ki te waiata, he mōhio hoki ki te purei taonga pūoro. Ka tahuri te rākau kōrero ki a Hēnare Gilbert. Ko wāna mahi ki Ahitereira ko te hono maitai motokā (welder). Nō ngā koko katoa o te ao wana hoa mahi. He Itāria wētehi, he Kiriki, he Arapa, he Tiamana, he aha atu rānei. Nā te tokomaha o ngā reo o te wāhi mahi o Hēnare, ka puta ngā raruraru i runga i te rerekē o ngā whakaaro, me te rerekē o te whakatakotoranga i te reo Ingarihi. Ko Hēnare tērā e whakatika ana i ngā raruraru. Ka noho ia hai rangatira, hai iho pūmanawa mō wana hoa mahi.
This episode is an interview with Henare Gilbert about his life as a welder and the big move from Wainuiomata to Sydney. Part of Ted Nepia's series about Māori living in Australia.