Te Reo o te Māori. 1973-08-19

Ko Ted Nepia te kaikawe kōrero. He uiuinga me Rangi Pokiha, nō Ngāti Pāmoana, nō Ngāti Apa anō hoki. (4/6). Tauparapara/karakia/mihimihi: "Tuia i runga tuia i raro ka rongo te pō ka rongo te ao..". Waiata: "Piki mai kake mai ki runga o Pūtiki..". Kaiwaiata: Nō Whanganui. Kaiārahi: Mīnita Kingi Ihaka. E hāngai ana tēnei hopunga ki te pā o Operiki. Ka kōrero a Rangi Pokiha mō te whare karakia e tū ana ki muri i a Poutama, ko Pepara te ingoa. Ko te tuatoru tēnei o te tūnga mō Pepara. Ko te tuatahi i tū ki te pā o Operiki. I hinga te whare i te tau 1919. I whakatūngia te Pepara tuatoru i te tau 1921. Ka kōrero hoki a Ted rāua ko Rangi mō tētehi toka whakamaharatanga e whakamana ana i a Sister Elsie Smith, he nēhi nō Ingarangi. E ai ki a Rangi, toru tekau mā toru ngā tau noho ai a Sister Elsie i Koriniti. I arohanuitia te wahine nei e te marea. Waiata: "Kumekumea totoia..". He paku hoki ngā kōrero mō te mira mahi parāoa, ngā māra witi, tētehi hereimu, me te awa o Operiki. Waiata: "E tama e mau ki tō taiaha..".

Ted Nepia speaks with Rangi Pokiha of Koroniti.