Ask to use material, get more information or tell us about an item
He uiuinga tēnei me Pine Taiapa. Ka kōrero a Pine mō te hītori o Ngāti Porou, kei Taukāhiwi rāua e kōrero ana. Ka tīmata ngā kōrero a Pine ki tētahi whakatauaki nā Hautare, kātahi ka tātai whakapapa ia mai i a Porourangi ki a Hunāra. Kātahi a Pine ka kōrero mō ngā mahi papai me ana mahi taiakaha, ka whakamārama hoki i te whakatauaki rā. Ka kōrero a Pine mō ngā rā pai o te Māori e hāngai ana ki te moana. Ināianei kei te wāhi i nohoia e Te Whironiui rāua, ka kōrero a Pine mō Te Roto-o-tahi, ka whakamāramahia mai te wāhi rā. Ka huri ana kōrero ki a Uenuku Maraetai, arā te pāpā o Paikea, ka whakamārama mai ko Ruatapu te tamaiti o te wahine tuarua o Uenuku. Ka tīmata ana kōrero mō Ruatapu me tana manutukutuku. Hei mutunga, ka kōrero a Pine mō te haerenga o Ruatapu rātou ko Paikea ko ngā tama o Hawaiki ki runga o Pewa-a-rangi, koinei te pakanga e karangatia ana ko 'Te Huripureiata'.
An interview with Pine Taiapa about Ngāti Porou.