Te Kowae Paneke / Ruia Mai.

Find out more about this item:
Message us

Rights Information

10/10/03 Te Kowae Paneke.
Ngapo Wehi

Ki te ao puoro, ao waiata....

E rua nga honore kua whakawhiwhia e te tohunga tito waiata nei a Ngapo Wehi,
kaiarahi i te roopu kapa haka o Te Waka Huia.

Kua uru toona waiata Tangaroa, ara, he poi i titoa e ia mo nga whakataetae
kapa haka aa motu o te tau rua mano, ki roto i te koopae puoro o 'Hang on
Helen.'

He koopae teenei katahi ano kia whakaputaina e te kamupene econation2020, hei
aaki i te pirimia kia kaua e hikina te ture raaweke ira kia pau noa te rima
tau.

Heoi, kei a Orini Kaipara nga kōrero...

[CLIP]

----

Hune MariuTe Kowae

834 7473
Kaupapa- Privy Council

UPOKO KOORERO:
Te ahua nei ko mana te kaupapa a te kawanatanga ki te hakakore atu i te kooti
pira o Ingarangi

Hai ta te mema paremata Margaret Wilson ko rite te huarahi i naeanei ki te
waihanga ture mo te Kooti matua o Aotearoa hai hakakii atu i te wharuarua ko
watea mai

Na te roopu waahine toko i te ora i tautoko i te kaupapa a te kawanatanga
kia pana tia atu te kooti piira i Ingarangi na reira kei te kōrero mai a Hune
mariu te take i tautoko tia e ratou

----

Te Taahe AkuhataTe Kawe Purongo
8/10/03

KAUPAPA: Katihanga o nga kura o Ngāti Whare

UPOKO KōRERO

Hinga mai raa, he teetee kura
Ara mai ano, he teetee kura

Koinei te ahua mo nga kura o Ngāti Whare.

Kua kii mai te Minita mo nga take Matauranga a Trevor Mallard, me kati te
Kura o Te Whaiti me te kura o Minginui.

Engari, hei whakakii i ngaa whaawhaarua ko tetahi kura hou, kua whakatauhia,
ko Te Kura Toitu o Te Whaiti Nui a Toi.

Mo te roanga ake o nga kōrero, anei te purongo mai a Mere McLean....

==========================================

----

ACT/National re Wilson dangerous politician in this country's
history....Ngahuia

Ko Margaret Wilson, Minita Ture te kaitorangapuu kino rawa atu i roto i te
hiitori torangapuu o Aotearoa nei.

Ko teera te whakatau a eetahi o nga mema o te Aapitihana ki roto i te whare
paaremata.

E ai ki a Georgina Te Heuheu o Naahinara, ko te hiahia a Wilson kia tuu wehe
teenei whenua - ara, republic.

He peera ano nga whakaaro o te tumuaki o te Roopu ACT a Richard Prebble.

I hua mai eenei koorero inaa kei te kaha tautohetohe nga mema paaremata i te
pire whakatuu i te Kooti Matua o Aotearoa.

I kōrero ahau ki ta matou kaikawe kōrero a Ngahuia Wade me taku paatai
tuatahi, he aha te kiko o nga koorero a Georgina te Heu Heu o Nahinara?

[CLIP]

============
----

Te Anau TuionoAnnabelle Lee Harris09.10.03

KaupapaDeclaration of Indeginous Peoples Rights

Te Upoko

Katahi ano ka oti te hui mo nga take taangata whenua i tuu ki Geneva, ki
Witerana.

Ko te kaupapa o te hui nei he aata wananga i nga wahanga o te tuhinga mo te
mana o nga iwi taketake, araa te declaration of Indigenous Peoples Rights.

Ko Te Anau Tuiono teetahi o ngai Māori i tae atu.

Hei taana he take teenei kua roa e wananga ana engari kaare ano teetahi
whakaaetanga kia puta mai.

[CLIP]

----

Tainui StephensTe Kawe Purongo Annabelle Lee Harris09.10.03
KaupapaComplaint Against Holmes Laid By NAW

UPOKO KOORERO:

Me pana atu a Paul Holmes i aana turanga hei kaipaoho mo Te Reo Tataki o
Aotearoa me 1ZB.

Nei ra te tono o Nga Aho Whakaari ki eenei tari e rua.

Hei ta te roopu nei ki te kore nga teihana nei e pana atu i a Holmes, kei te
tautoko kee raaua i aana koorero kaikiri e whakaiti ana i a Kofi Annan.

Hei ta Holmes he Cheeky Darky noa a Annan.

Hei ta Tainui Stephens mema poari o Nga Aho Whakaari, ahakoa te whakapaaha na
Holmes e tika ana kia heke mai ia i tana turanga kia whai kiko aana kupu.

[CLIP]

----

HakinakinaAnnabelle Lee Harris09.10.03

Te Upoko

Me nga koorero hakinakina o te wa kia huri ake tatou ki nga whakamaaramatanga
a Annabelle Lee Harris.

[CLIP]

----

Napi Waaka(left message)

0272947861.

Kaupapa-Naaku

Na Ahorangi te Napi Tutewehiwehi Waaka tetehi i tuku tuhi ki te pukapuka nei
te Naku te ingoa

Hai ta Ahorangi Te Napi i taua wa e tuhi ana ka hoki hakamuri ana hakaaro ki
etehi maharahara o nga tau ko pahure ki nga rua roopu taitama i hono atu ki
tetehi akoranga e kii ana ko te wairua o nga tangata Māori

E te iwi me waiho ma Ahorangi napi Waaka nga hakamaarama

Patai--

1.Whakamaarama mai i te akoranga"TE Wairua O Nga Tangata Māori"

2.Ko wai nga roopu taitama i haere ki te akoranga nei?

3.Ko wai atu i tautoko ia koe i tenei akoranga.

----

Saana Murray(left Message)

09 4067116
kaupapa-Te rerenga wairua

UPOKO KOORERO:
Ko roa noa te iwi o te rerenga wairua he pakanga ana ki te papa atawhai kia
hakahokia mai tera pito whenua ki te iwi

Engari te hiahia ate kawanatanga kia mau taonu te mana kia ratou .

Te kuia Saana Murray kai te kōrero i nga kaupapa ki tera take.

Patai-- Saana, te hakapae kahore ano tera pito whanua i whakahokia mai ki te
iwi neeha?

----

Patarika Hohepa(conf)

-09 348 9267-0274370 315

kaupapa- te reo Māori

Kai te kaha ake te Māori i naeanei kahore raanei-- Heoi ano i hakapaetia kei
nga kaumatua kuia anake te kaha o te reo kahore etehi atu

heoi ano ko Patarika Hohepa te tumu hakarae o te taura whiri io te reo kei te
kōrero kia tatou.

patarika ko ronga mai koe i taku panui he tika he hee raanei

----

Kingi IhakaRe-pacOrini8/10

Kaupapa: Appointment of new Māori Language Commissioner for MTS

UPOKO KōRERO:

He kaikomihana reo hou kua whakatuuria e te pouaka whakaata Māori, ara, ko
Kingi Ihaka o Te Aupouri.

Ko aana mahi he whakatika, he whakapakari i te ia o te reo ki roto i ngaa
mahi paapaho o te teihana, heoi, kei taa matou kaikawe koorero a Orini
Kaipara te roanga ake o nga whakamarama.

[CLIP]

BACK ANNOUNCE:

1. He aha te kiko o nga koorero a Georgina Te Heu Heu o Nahinara?

Ko te kaupapa nui ki nga roopu torangapuu o te Aapitihana - kore, kore rawa
ratou e whakaae kia tuu te Kooti Matua ki Aotearoa nei, otira kaare ratou e
whakaae ana kia whakakorea te here ki te Kooti Piira o Raanana.

E ai ki a Georgina, ko teenei pire whakatuu i te Kooti Matua - he waka kawe i
a Wilson me toona tuumanako nui, ara kia tuu wehe ai teenei whenua - me kii
te Republic.

Mehemea ka tuu wehe tenei whenua, hei taa Georgina, maa te iwi whaanui e
tohu, maa te iwi whaanui e pooti, kaua maa Wilson me toona Kawanatanga.

Ko te awangawanga ano a Georgina, ka riro maa te tokoiti noa iho, te kaupapa
e whakamana. Hei taana, he kaupapa nui rawa atu tenei e whai paanga ana ki te
taahuuhuu ture o Aotearoa.

2. Peehea nei te Roopu ACT?

He peera ano oo raatau nei whakaaro. Ko taa te tumuaki a Richard Prebble, he
tautoko i nga koorero a Georgina, hei taana, e tika ana nga whakapae - he
mahi tinihanga ta te kawanatanga.

Hei taa Prebble, mehemea ka hipa teenei pire maa te toru pooti noa iho kaare
i te tika. He kaupapa nui te whakarerekee i te taahuuhuu ture, te
Constitution, o Aotearoa na reira maa te iwi whaanui e tohu.

Hei taana ano, mehemea ka aata whakarongo te tangata ki nga koorero a Wilson,
ko taana e tohe ai, ko te whakapae a Prebble, kei te haapai a Wilson i nga
hiahia a te takitini, kauaka ko te takitahi.

Na reira kei te whakahee te roopu ACT i nga mahi tinihanga a te Kawantanga.

3. United Future pulled its support earlier this week - why?

E ai ki te Tumuaki o United Future a Peter Dunne, he kaupapa nui teenei e paa
ana ki te taahuuhuu ture o Aotearoa, araa te Constitution.

Hei ta Peter Dunne, kaare ano te motu kia aata kōrero i te hohonutanga o taua
take.

Ko tetahi atu take hei taana, ko te hunga kai-pakihi - kare ratou i te
tautoko i te pire - no reira, ka pera hoki ia.

Engari ehara tenei i te raru mo te Kawanatanga - no te mea ka noho ko Nga
Kaakaariki hei hoa tautoko.

He nui nga aawangawanga a Nga Kaakariki i te wa i timata ai te whare paremata
ki te waananga i te pire. Engari hei ta Nandor Tanczos, i tau ai o ratou
manukanuka i roto i nga whiriwhiringa a te komiti take ture.

Hei taa Georgina te Heuheu o Naahinara, kua huri te tuara o Nga Kaakaariki ki
te iwi Māori. No te mea, hei taana, i te timatanga, i whakaae Nga Kaakaariki
ki nga whakahee a te iwi Māori - mea rawa ake, hei ta Georgina, kua huri o
ratou whakaaro.

4. He aha te whakautu a te kawantanga?
Kei te mau tonu ratou ki a ratou puu, kua tae ki te waa mo Aotearoa kia tuu
motuhake.

Me kaua e noho i raro i te panekoti o Ingarangi .

Eengari i nga ra e rua katahi ano tonu i hipa i te tautohetohe teenei pire i
roo whare paaremata - kotahi noa iho te mema o te roopu Reipa i tuu ki te
koorero mo te pire nei - araa a Philip Taito Field - kaare nga mema Māori i
tuu ki te tautoko i te pire nei.

E meatia ana i peera ai kia tere te hipatanga o te pire.

I nanahi raa i tuu a Meetiria Tuurei o Ngaa Kaakariki ki te tautoko i te
pire. Ko taana i roo paaremata, kaare te Kooti piira o Ranana i whai hua mo
te Māori.

5. Kei hea teenei pire e tau ana?

I hipa te pire i nga tautohetohe, me kii te waahanga o te komiti inapo.

Ko te tuumanako a te Roopu Reipa hei te Tuurei e heke mai nei - ka hipa te
pire nei hei ture - whakatuu te Kooti Matua o Aotearoa.
----

b)Scotty Morrison(Conf )Te Kowae Paneke

021385849
kaupapa -GE

UPOKO KOORERO:
Ko tiimatatia he roopu e etehi tauira o te kura wananga Unitec Tamaki
Makaurau he tohu whakatau ki te kawanatanga kia kaua e hikia te kaupapa
aukatinga i te tuku hua raweke ki te whenua.

Te tumanako kei te whaia atu etehi kura wananga puta noa i Aotearoa i tenei
hakaaaro na te take mehemea ka moe ae ka mate. Kia tahuri ake taatau i
naianei ki teenei o aa taatau puukenga ki te kura waananga raa, a Scotty
Morrison. Morena e Scotty!

========
1. He kaupapa teenei kei te kaha whakaheengia e Scotty, engari teera pea he
hua o roto?

2. Ko te tuumanako ka whaaia te kaupapa nei e ngaa kura waananga puta noa i
Aotearoa...

3. Kei te haere koe ki te hiikoinga poroteehi hei aapopo ake raa e Scotty?

----

Tawhao Tioke

8189935

kaupapa-Te Whanau Bell

I nga tau toru tekau i hunuka atu te whanau Bell ki te Waimana- te rongo
kōrero i nama te Māori o Waimana he 500 pauna ki te whanau Bell ka tangoa te
whenua a Māori hei utu te nama

Te kaumatua nei ko Tawhao Tioke o te Waimana kei te kōrero mai i oona
maharaharatanga ki tenei whanau.

----

Panui 03.10.03Te Kowae Paneke/ Te Kawe Purongo

UPOKO KōRERO

E te iwi, anei a Taiha Molyneux me nga panui o te ra...

[CLIP]

----

Te Kowae Paneke

----

LEADSVarious Kaikoorero (Sykes, Mahuika, Jones, Paul, Te Aho, Dickson)
Tina W.

KAUPAPA:Supreme Court - backgrounder pac

UPOKO KOORERO:

Ahakoa ngaa tinitini whakahee, kei te whakakoi te roia matua a Margaret
Wilson i tana naihi hei tapahi i te taura here ki te Kooti Piira ki Raanana.

E matakitehia ana hei tera wiki ka pau te waa mo te tuku piira ki Ingarangi.

Kua kapia noa iho ngaa taringa ki ngaa whakahee e whiuwhiu haere nei.

Anei te puurongo a Tina Wickliffe.

[CLIP]

FW: Tihema, rua mano...
LW: TW mo TKP.

a) ACT/National re Wilson dangerous politician in this country's
history....Ngahuia

UPOKO KOORERO:
Ko Margaret Wilson, Minita Ture te kaitorangapuu kino rawa atu i roto i te
hiitori torangapuu o Aotearoa nei.

Koira te whakatau a eetahi o nga mema o te Aapitihana ki roto i te whare
paaremata.

E ai ki a Georgina Te Heuheu o Naahinara, ko te hiahia o Wilson kia tuu wehe
teenei whenua hei Republic.

He peera ano nga whakaaro o te tumuaki o te Roopu ACT a Richard Prebble.

Inapo ra i hipa ai te pire i ro whare paaremata.

Hei teera Tuurei ko te tuumanako a te Roopu Reipa, ka hipa te pire whakatuu i
te Kooti Matua - hei ture.

Anei ta matou kaikawe koorero o te whare paaremata a Ngahuia Wade.

==================
1. He aha te kiko o nga koorero a Georgina Te Heuheu o Naahinara?

2. Peehea nei te Roopu ACT?

3. Kaare a United Future e tautoko ana i te pire i naianei - he aha ai?

4. He aha te whakautu a te kawanatanga?

5. Kei hea teenei pire e tau ana i teenei waa Ngahuia?

b)Pita Paraone(conf)Te Kowae Paneke
5372002

KAUPAPA:Is Margaret Wilson the most dangerous politician in NZd's history?

UPOKO KOORERO:

He patai kei te whiua mehemea he mahi whakawhara te minita kawanatanga ko
Margaret Wilson ki nga taangata katoa o Aotearoa. He kii etehi apitihana ko
Margaret Wilson tetehi mema paremata kino rawa atu i roto i te hiitori
toorangapuu o Aotearoa.

Kahore he hakarongo ki te iwi whanui engari kai te para i te huarahi he tika
ki oona hiahia.

======
1. Whakaae ana koe e Pita, ko Margaret Wilson te kaitoorangapuu moorearea
rawa atu kua noho ki roto i te whare paaremata?

2. He maha nga ture kei te waihangatia i naeanei i roo whare miere, engari
te hakapae he mahi taurekareka tera kia aaanini ai te patenga o te iwi whanui
ara ka kuare ko tehea te kaupapa tika hei whainga.

3. Kei te kii tonu te aapitihana tukuna teenei take maa te iwi whaanui e
tautoko, e whakahee raanei - engari ka kore te Kaawanatanga e aro mai.

4. Na reira ka ahatia koutou hei turaki i teenei Kaawanatanga e Pita...

----

Shane TaurimaTe Kowae Paneke(c)

NZ First Pre Conference Livey - (Shane)
** please note this is a livey, with audio clips
*** please cut this i/v and use for Kawe Purongo

UPOKO KōRERO:

Hei nga ra whakataa nei noho ai a Aotearoa Tuatahi ki te titiro ki aana mahi
mo te pootitanga e haere ake nei.

Kei Ootautahi te roopu mo ta ratou hui aa tau tekau.

Koinei tetahi hui nui mo te roopu, i a ia e takatuu ana, kia hoki ano ia ki
roto i te kaawanatanga.

Kia huri ake tatou inaianei ki taa matou eetita toorangapuu, ki a Shane
Taurima...

NGA PATAI:

1. He aha nga kaupapa nui kei mua i ta ratou hui aa tau?
I'll cue you to play Bill Gudgeon Clip 1 re Māori Vote

[CLIP] - 9 secs

2. Pehea te taihua me te takere moana - ka waanangahia tera take nui?
I'll cue you to play Bill Gudgeon Clip 2 re Foreshore

[CLIP] - 21 secs

3. Pehea nga tuuru Māori - he take nui tera kei mua i te roopu?
I'll cue you to play Bill Gudgeon Clip 3 re Māori Seats

[CLIP] - 19 secs

4. Ki ou whakaaro, ka pehea te hui?

----

Dover - hui today at Awataha Marae re foreshore and seabed....

READA:

UPOKO KOORERO:
E te Pirimia, kaua koe e kati i te kuaha whakawhitiwhiti whakaaro me te Māori
mo te takutai moana.

Koira te whakatau a te mema Māori o te Taitokerau ki te Pirimia a Helen
Clarke.

Hei te raa nei ko te hui tuaono a Dover Samuels hei koorero mo te takutai
moana ki Awataha Marae, Taamaki Makaurau.

Ko te paatai ki a Dover ka whai hua aana ake hui whakawhitiwhiti whakaaro.

[CLIP] 1.

Ko taa nga mema Māori o te Roopu Reipa mehemea ka murua nga tika a te Māori
ki te takutai moana, kore, kore
rawa ratou nga mema Māori o te Roopu Reipa e tautoko i te Kawanatanga me
toona ture mo te takutai moana.

Teera pea ka whakawhiti nga mema Māori ki teera taha o te whare ki te
whakahee i toona kawanatanga.

[CLIP] 2.

Ko Dover Samuels, mema paaremata mo Te Taitokerau.

----

a)Percy TipeneTe Kowae Paneke

KAUPAPA:GE Free - The Big One
WAEA:09 401-4837

UPOKO KOORERO:

Ki eetahi atu take nui...

Kaua e hiki i te kaahui tiaki i a Papatuuaanuku kia moohio raa anoo he aha
ngaa paanga o te raweke ira.

Hei aapopo ka haruru mai ngaa tiriti o Taamaki Makaurau i te reo whakahee a
te iwi whaanui - ko te koorero nui kaua e hiki i te aukatinga mo te tuku i
ngaa hua raweke ki te mata o te whenua.

Hei te mutunga mai o teenei marama ka whakatuuwhera te tatau mo te tuku i
eenei hua a te hunga puutaiao ki a Papatuuaanuku.

Na reira kua whakaritea he hiikoinga poroteehi e kii ai te Pakeha The Big
One! Ko teetahi ka tuu ki te whakaputa i ngaa whakahee o ngai taaua te
Māori, ko Percy Tipene, heamana o Te Waka Kaiora. Ata maarie e Percy!!!
=====
1. E rua me te haawhe wiki noa iho kei te toe, e Percy, kaatahi ka hiki te
aukatinga a te Kaawanatanga mo te tuku hua raweke ki te taiao... Kua kookiri
whakamua te ngaarara nei, e kore e taea te aukati...

2. He aha te koorero ki ngaa taangata Māori kei roto i te whare paaremata e
noho ngoikore, wahanguu nei...

3. E ai ki ngaa rangahau a Greenpeace neke atu i te ono rau waru tekau
paeheeneti o ngaa taangata ki Aotearoa nei e tautoko ana i te aukatinga o
ngaa hua raweke i te mea kaare tonu taatau i te tino moohio he aha ngaa
paanga ka ngau mai.

4. Hei aapopo he aha te koorero ka kauhautia e koe Percy?

----

TOHU HUARERE

Te TTK - he kopatapata me te kapuapua-- Tmk Waiariki Rotorua Taupo - He
kapuapua me te marini te ua- Hau e pupuhi ana 30 km i te haora

Te rohe Potae- He kapuapua me te kopatapata i etehi waahi o te rohe

He kopatapata i Turanganui, Ahuriri Wanganui me Taranaki- He maringi te ua i
papaioea me te Upoko o TE Ika-Te pa mahana i te Ika a Maui kei weaenganui i
te 15 me te 19

ki te Waipounomu ki te rohe o Wairau me Otepoti- he kapuapua ki reira
--engari paki te ra ki Whakatu Hokitika Otautahi Timaru Waihopai me Murihiku

Te pa mahana kei waenganui i te 11 me te 16

Koinei te tohuhuarere mo tenei ra te 10 o Oketopa

----

Te Anau TuionoAnnabelle Lee Harris09.10.03

KaupapaDeclaration of Indeginous Peoples Rights

Te Upoko

Ki ngaa take o te ao tuurere...

Katahi ano ka oti te hui mo nga take taangata whenua i tuu ki Geneva, ki
Witerana.

Ko te kaupapa o te hui nei he aata wananga i nga wahanga o te tuhinga mo te
mana o nga iwi taketake, araa te declaration of Indigenous Peoples Rights.

Ko Te Anau Tuiono teetahi o ngai Māori i tae atu.

Hei taana he take teenei kua roa e wananga ana engari kaare ano teetahi
whakaaetanga kia puta mai.

[CLIP]

----

Hare Tukariri(conf)Te Kowae Paneke

WAEA:834 4993

kaupapa-Beach claim

kai te hiahia te kaunihera o TMK ki te kereme i etehi pito o nga takutai moana
I raro te ture inaenei te mana o te kaunihera ki te moana ka mutu i te waahi
he pari te taihai kahore i raro atu

hai ta te kaunihera i raro tera hakaritenga e kore taea e te kaunihera te
tohutohu i nga taangata hikoi kararehe-i nga kai taraiwa wakahuarahi -i nga
kai hoe waka na reira te tumanako ka whakatika tia tenei ture e te
kawanatanga.

Ko Hare Tukariri kai runga waea ko ia nei tetehi kai utu reeti.

----

Maanu Paul(conf)

027494396

Kaupapa-Māori kaunihera

hai tenei ra kai te haere te kaunihera Māori ki te kooti ki whakawaa tia te
kaupapa aukatinga i te ia rere ate kawanatanga

Ko Maanu Paul kei te kōrero mai i te kaupapa

----

World Cup ProgrammeReaderSemi
10/10/03

Te Upoko:

Ki te ao haakinakina.......

Hei te po nei tiimata ai te Whakataetae Ipu o Te Ao. Akuni ka kōrero matou ki
te kaumatua o te Kapa Whutupaoro Māori a Whetu Tipiwai raua ko Hēnare Pryor,
engari tuatahi mai anei ngaa kohinga whakamaarama a taa maatau karere
haakinakina a Semi Holland.

[CLIP]

----

Whetu Tipiwai/Hēnare PryorSemi
10/10/03

Nga Waea:06 844 4724, 07 3222 079

Te Kaupapa:Matakite mo nga keemu a nga raa whakataa mo te Ipu o Te Ao....

LIVE

Te Upoko:

Inaianei kia huri ake tatau ki te Kaumatua o te Kapa Māori a Whetu Tipiwai
raua ko Hēnare Pryor...

Morena e hoa maa!

Nga Paatai:

1. Ahakoa kaare he tino toki o roto o te tiima o Itaaria, me tuupato tonu ta
tatou Kapa?

2. Kaaore e kore he keemu uaua kei te haere mo Ahitereiria. To matakite
Hēnare... (responds) he aha taau e Whetu?

3. Hei apopo tukitahi ai te Kapa o Wiiwii raua ko Whitii. He keemu nui ano
teera mo te Māori a Tony Marsh ahakoa kua paangia e te mate pukupuku?

4. MAA KINGI.......

5. MAA KINGI.......

----

OUTRO - Supreme CourtTe Kowae PanekeTina

UPOKO KOORERO:
E matakitehia ana hei tera Turei kua pau te waa mo te tuku piira ki Ingarangi.

Ko te aahua nei ka whakamanatia te pire kooti matua a Margaret Wilson, te
wahine e whakapaetia nei e te aapitihana, ko te kaitoorangapuu kino rawa atu
i roto i te hiitori toorangapuu o Aotearoa.

Ka riro maana hei whiriwhiri ko wai ka noho hei kaiwhakawaa mo te kooti nei,
aa, kua puta kee te koorero i toona waha, kaare he Māori e whai puukenga nei
ki te noho ki runga i te pae.

Ko te maaharahara nui mo te taonga te Tiriti o Waitangi - kei reira te mana o
ngaa rangatira, ngaa hapuu, otiraa ngaa taangata katoa.

Kua tukua koutou kia haere me eenei kohinga koorero kua puta i runga i Te
Kowae Paneke mo teenei take. Kaati, ko KT ahau mo RM.

[CLIP]

Favourite item:

Request information

Year 2003

Reference number 49526

Media type AUDIO

Collection Sound Collection

Ngā Taonga Korero Collection

Credits RNZ Collection

Duration 00:40:00

Date 10 Oct 2003

We use cookies to help us understand how you use our site, and make your experience better. To find out more read our privacy policy.

Whakamahia ai mātou ngā pihikete ki te rapu māramatanga ki te āhua o tō whakamahi i tēnei paetukutuku, ki te whakapai hoki i tō whai wāhi mai. Ki te rapu kōrero anō pānuitia te kaupapahere tūmataiti.

Accept