Ko te hōtaka He Pātaka Kōrero Mana Tangata i waihangatia e Te Reo Irirangi o Raukawa
Kaiwhakataki: Homai Uerata, Ko Te Pātaka Kōrero, ko Mana Tangata
Kaiuiui: Anahera Vercoe
Kaikōrero: Hone Taiamona-Hokianga
Ko Hone Taiamona te ingoa o te kaikōrero nei, nō te tonga o Te Hokianga. I tēnei wā he kaimahi, he kaimanaaki tangata ia i te hohipera o Rawene, he whare hauora.
E kōrero ana a ia mō tōna tipuranga ki tērā pito o Te Taitokerau ki te taone nunui o Pakanae. Nō Ingarangi tōna pāpā, nō Pakanae tōna māmā.
Ko ētehi āhuatanga i kōrerohia:
Hapū, Iwi, Wāhi: Ingarangi, Pakanae, Hokianga Whakapau Karakia, Ngāti Korokoro, ko Ngāti Wharara, ko Te Pouka, Ngāti Pou, Te Rarawa.
I te tau Paerua (F2) ka mutu a Hone i te kura ki te whai mahi.
Ka tūtaki ngā mātua o Hone i Tāmaki i te wā ka whakatū rātou i te piriti nui rawa o Tāmaki makaurau.
Ko tōna matua he pākehā te titiro, he aroha nui tāna mā ngā tamariki me te māmā o Hone.
Ina hoki rātou ki te te marae, ka hoki mā te takahī. Kotahi tara anake te utu i taua wā.
He wahine kaha ki te mahi, kia haere ki te karakia hoki te māmā o Hone. He mātauranga rongoā, kōrero tāwhito o te kainga tōna. I te hiahia te māmā o Hone kia tū a Hone hei Minita koia te mea Māori i āna tungāne. Ko te tūranga Minita kei roto i te whānau o Hone, ki roto o Pakanae.
Mēnā i te mohio a Hone ki te huarahi hei whai tohu mātauranga i te Whare Wānanga i a ia e pākeke haere ana, kāore e kore ka whai ake. Koia rā tētehi mea e noho kau ana ki roto i te ngākau o Hone.