He rangona kōrero, he hokinga mahara, he hōtaka i waihangatia e Te Reo Irirangi o Raukawa.
Kaikōrero 1: Minita Paula Bennett.
Kaikōrero 2: Claudette Hauiti
He tama nō te maunga o Hikurangi, he pononga a te Atua, he Pou nō roto i te Ao Māori. Ko Hone Te Kauru o te Rangi Kaa. Minita o te hāhi Mihinare, Poutiaki o te rōpū Manaririki, he tangata i matapoporotia nei e te matinitini e te [maminenga].
I te tau 2012 hinga ai tēnei totara o Te Wao Tapu Nui A Tāne. I te wā o te tangihanga, i kohikohia e Te Reo Irirangi o Ngāti Porou ko ētehi kohinga kōrero, ko ētehi matanā o te Ao Māori nei e pā ana ki a Hone Kaa.
I tēnei hōtaka ka whakarongo atu tātou ki ngā kōrero me ngā maharatanga a Paula Bennett, Minita o te Karauna me Claudette Hauiti he tangata i tipu ake i raro i ngā marumaru o te tangata rā a Hone Kaa. I tēnei wā me whakautu te pātai nei, he aha rawa rā ngā maharatanga a Paula Bennett ki a Hone Kaa.
Kaikōrero 1: Ko Minita Paula Bennett
Ko ngā mahi katoa i oti i a ia i roto i ngā tau whitu tekau kua taha ake nei. Ko ngā mahi o Hone hei toa mō ngā tamariki mokopuna o Aotearoa kei te hinengaro o tēnā o tēnā e kore warewaretia. he kaiarahi, kaitohutohu anō hoki a Hone mō te Minita Paula Bennett, he reo aroha kua wahangū.
Kaikōrero 2: Ko Claudette Hauiti
I a Hone e mahi ana hei Minita mō te hāhi Mihinare i Tāmaki Makaurau i whai huarahi a ia kia tāria te tō mai i te rangatahi Māori ki te hāhi. Ko Claudette Hauiti o Ngāti Porou me Ngāpuhi tētahi i āmenetia tōna hiahia kia aro mai ia ki te hāhi ki te karakia hoki. he tino hoa rāua, ā, nā Hone anō a Claudette rāua ko tōna hoa wahine a Nadine i mārena. He kaitautoko i te hunga takatapuhi a Hone nā runga i te whakaaro he tamariki katoa tātou nā te Atua.