RAUKAWA / POHARA - PANIA PAPA

Ko te wāhanga o Te Tauākī tēnei i waihangatia e Te Reo Irirangi o Raukawa.

Kaikawe Reo:Lynette Amoroa
Kaikōrero: Pania Papa

Ko Pania Papa tētahi wahine kāore i tino tipu i roto i ngā āhuatanga tūturu o te ao Māori, engari tae rawa atu a ia ki ngā tau rangatahi kātahi ka kaha pā te hiakai ki roto i a ia ki te whai i tōna taha Māori.

Ināianei, maringi noa te reo Māori mai i tōna arero, me kī kua tohunga a ia ki ngā mahi kapa haka, tito waiata hok. Nāna tonu i tito te haka mō te tima Whutupaora a ngā Wāhine o Aotearoa. Ki konei ka hoki whakamuri ngā maumaharatanga a tēnei wahine ki te wā e tipu ana ia ki Tokoroa me tōna mōhio ki ngā kiri maha, ngā iwi maha. Hei te wā e haere ana ki te kura tuatahi kāore a ia i tino whai, i aro hoki ki tōna taha Māori engari i rata ki ētahi atu iwi me ā rātou tikanga hoki. I a ia e tipu haere ana kātahi ka pā te whakaaro ki a ia, he aha te huarahi pai ake mōna, he aha hoki te mahi e pirangi ia ki te whai. Ā, kātahi ka kā te rama ki roto i a ia, ko tōna hiahia kia Māori katoa a ia, kia Māori tōna reo, tōna tū, tōna whakaaro. Inaianei me kī kua tutuki tēnā moemoeā.

Ko ngā āhuatanga i kōrerohia:

-Ko Pōhara marae, Maungatautari, Ingarangi, Mangakino, Kirikiriroa, Tokoroa.
-Ko te omaoma, whai pūrū, he momo whutupāoro, ko te whaiwhai paihamu ngā momo tākaro a ngā tamariki.
-I kuraina e Pania i ngā kura e toru ki Tokoroa
-Ko David Henry te ingoa o te kura, he rawe te ako tahi, tākaro tahi ki a Pania.
-1987, ka wehe a Pania i te kura tuarua o Tokoroa, ko te wā hoki tērā i tino aro atu a Pania ki te reo me ngā tikanga, te kapa haka hoki.
-Ko Pia Tahuri tētehi o ngā kaiako, nō Te Arawa a ia.
-Ko te Whare Wānanga o Waikato. Ko Timoti Kāretu rāua ko Wharehuia.
-Ko tōna Māoritanga tōna kaha, ko tōna Māoritanga hoki te mea e whāngai ana i tōna wairua i te ao, i te pō.
-Kua tino ū tōna mōhiotanga i te marae, nā te hokihoki atu, nā te wānanga, te noho tahi ki tētehi,
-AMO, Advancement of Maori Opportunities