Kei te kōrero tētahi tāne ki te taha o tētahi wāhine mō ngā tikanga rerekē e pā atu ana ki ngā wāhine Māori. Nō Ngāi Tūhoe ngā kaikōrero nō reira kei te kōrero rāua mō ngā tikanga o taua iwi. Ko ētahi o ngā kaupapa e kōrerotia ana, ko ngā tikanga mō ngā pēpi, te whāngai pēpi, me ngā kākahu o ngā wāhine.
Ka kōrero rāua mō te rerekē o ngā tikanga ināianei ki ngā tikanga o ngā rā o mua. Ka kī te kaikōrero mō ngā tikanga kua mau i a Tūhoe, ā, ngā take pea kua ngaro i ētahi atu. Ka kōrero hoki ngā tokorua mō te rerekē o ngā tikanga Māori ki ērā atu o ngā tikanga o ngā Pākehā. Ko tētahi o ngā tauira e kōrerotia ana, ko te mimi o te pēpi, ā, ka kī te Pākehā he paru, engari ka kī ētahi iwi Māori he rongoā, he tapu rānei. Ka kōrero te wahine mō tana ake tipuranga, ā, me ngā tīni kua kite ia i tana pakeke haeretanga.