Ask to use material, get more information or tell us about an item
Ko te wāhanga tēnei o Mana Tangata, e whakanui ana i ngā tāngata Māori. Ko Anahera Vercoe te kaikawe kōrero. Ko Tamihana Nuku te kaikōrero o tēnei wāhanga. Kei te kōrero ia mō ngā āhuatanga o tōna tipuranga, tana mahi, me ana kaupapa.
Nō Ngāti Kahungunu a Tamihana, ā, i tipu ia i te marae o Ōmāhu i Heretaunga kia 6 tau rā anō tana pakeke. He nui tana whānau i Omāhu, ā, ko Ngāti Māhu, ko Ngāti Hinapare me Ngāti Hinemanu ētahi o ngā hapū o tana whānau. I kuraina e ia ki Te Kāreti o Te Aute mō ngā tau e toru. Whai muri i tēnei ka haere ia ki Te Whare Wānanga o Massey ki te whai pōkairua. Whai muri i tērā i mārena ia i tana hoa wahine, ā, ka puta ā rāua tamariki. I noho rātau mā runga pāmu mō tētahi wā, ā, ka hoki anō ki te tāone. I mahi a Tamihana i te kōhanga reo, ā, ka neke tana whānau ki runga i tō rātau marae, ki tētahi whare tawhito.
Ka kōrero ia mō te āhuatanga o tana tipuranga me te rerekē o tērā i ō te tipuranga o ana tamariki. Ko tētahi o ōna pūmaharatanga ko te nui o te kaipaipa a ngā pakeke i a ia e rangatahi ana. I whakaaro ia ka pērā hoki ia, engari ka taka te wā ka kite ia i ngā mate i puta mai i tērā mahi. I mate tana matua i te mate pukupuku mai i te kaipaipa. I ngā tau o mua kāre rātau i mōhio i ngā kino ka puta mai i tērā mahi.
Mai i te tēnei āhuatanga ka whakaaro a Tamihana me haere ia ki te hāpai i te iwi Māori kia whakamutu i tērā mahi te kaipaipa. Ka whai tāngata āwhina tana kaupapa, ā, ka whakatū rōpū kia haere ki te motu ki te kōrero ki te iwi Māori mō ngā kino o te kaipaipa. I haere rātau ki ngā hapori, ngā marae, me ngā kōhanga reo hoki, ki ngā wāhi tamariki e kaipaipa ana te tangata. I te hāpai tonu a Tamihana Nuku i tēnei kaupapa i te wā o ēnei kōrero.