Ask to use material, get more information or tell us about an item
[Eru Paranihi]
He hōtaka reo irirangi, ko Te Tauākī te ingoa. Kei te kōrero a Eru Paranihi mō tana tipuranga me āna mahi i tana oranga.
Ka kōrero a Eru mō tana kāinga tuatahi i ngā tau o ngā 1950, kei te pūtake o te maunga o Ruapehu. I te tau 1963 ka neke a Eru me tana whānau ki Tūrangarere kei waho o Taihape. Ka noho ia ki te pāmu o tana kuia me koro i Taihape, ā, ka mahi ngā tamariki katoa o tana whānau i te pāmu.
Ka kōrero ia mō te tau 1968, ka wehe ana tungāne, ka haere ia ki te kura, ka mate hoki tōna matua. I ngā tau whai muri i hoatu e tana whānau te pāmu ki tētahi whānau Pākehā. I te tau 1970 ka haere a Eru ki Manawatū ki te mahi mā runga i ngā rerewē. Mai i te tau 1970 ki te 1978 he tauira ia kia ako pēhea te taraiwa i ngā tereina.
I te tau 1989 i mutu tana mahi i Manawatū, ā, ka haere ia ki Ahitereira ki te kimi mahi mā runga taraina ki reira. Engari kāre ia i whai mahi, nō reira ka hoki ia ki tana haukāinga. I te tau 1977 ka tūtaki ia i tētahi wahine nō Ngāti Maniapoto, nō Taranaki hoki. I ētahi tau whai muri ka noho tahi rāua, ā, e rima ā rāua tamariki.
Ka kī a Eru i tana hokinga mai i a Ahitereiria i kī tana wahine me whakakī tana kete mātauranga kia ako anō i te reo Māori, me te whai i Te Ataarangi.
Ka kōrero ia mō tana haere ki te kuratini ki Waikato mō ngā tau e rua. I te tau 1993 ka haere ia ki te Whare Wānanga o Waikato ki te ako i ngā mahi akonga tamariki me te mahi o te kura kaupapa. I te whai a Eru i tana ‘Bachelor of Arts’ i te reo Māori me te mahi hei kaiako. Ka whai mahi a Eru Paranihi i te mahi hei ‘counsellor’ ki te āwhina i ngā tāngata e noho ana ki raro i te kapua pōuri. I haere ia ki te mahi ki ngā kura kia āwhina ai ngā tama me ngā kōtiro Māori me ō rātou pōuritanga.
[Kaikōrero nō Tūhoe]
Ko Tumanako Maia Waiwai te kaikōrero, nō Waikaremoana me Ngāi Tūhoe. Ka tukuna e ia tana pepeha. Karere: Ko Anahera Vircoe te kaikōrero o tēnei wāhanga o Te Tauākī.
Ka tīmata ngā kōrero mō ana mahi hāpai i ngā kaupapa e hāngai ana ki ngā kōhanga reo o Tāmaki Makaurau.
Ka tuku i ngā whakamārama mō ngā whakahaerenga mō Te Akatea – he whakanui, he whakakotahi i ngā mokopuna ki te kōhanga reo. Kua riro mā Tumanako ngā karakia hei tuku, hei whakanoa i ngā kaupapa o te wā.
Ka huri ake ngā kōrero ki ngā ingoa i tapaina mō te whakanui i ngā mokopuna otirā te whakanui i te huringa tau e 20 o ngā kōhanga reo o Tāmaki whānui.
Me whakaatu te hunga rangatahi nei ki runga pouaka whakaata kia kite mai ai te iwi Māori anei kē ngā hua kei te puta mai i te kōhanga reo, ngā kura kaupapa, me ngā whare wānanga hoki’ – te kōrero a Tumanako ki a [Iritana?]
E whakapono ana a Tumanako mā te mahi tahi, ka hoe tahi, te waka kōtahi ka ea, ka tutuki i ngā mahi ki mua i te aroaro.