Ask to use material, get more information or tell us about an item
Kōnae tuatahi:
He wāhanga tēnei o te whakaaturanga o Neherā, ka kōrero ki a Pahi Walden. Ka kōrero mō tōna wā i te kura tuatahi whai muri i te Pakanga Tuarua o te Ao, me ngā āhuatanga o te oranga Māori i tēnei wā, pērā i ngā wāhi mahi me ngā papa kāinga. Ka whakahua i ngā ingoa o Euphemia Webster, Carlos Spencer, Te Kura Tuarua o Hāwera.
Ka kōrero mō te whawhai hei whakaora i te reo Māori o Taranaki. Ka whakahuatia a Te Ua Haumēne, a Tītokowaru, a Te Hāpimana Taukē, a Te Whiti o Rongomai, rātou ko Tohu Kākahi.
Ka kōrero mō tana haerenga ki ngā tūmomo whenua mō te mahi mai i te tau 1967, pērā ki a Saudi Arabia, Iran, Ingarangi, Wīwī, Amerika, Rūhia me ērā tūmomo wāhi anō hoki.
Ka oti ki tētahi waiata arotini reorua, me ētehi waiata reo Māori.
Kōnae tuarua:
Ka tīmata ki tētehi waiata, ko ‘Whakapaitia te ingoa o Ihu’ te rerenga tuatahi o te kōrihi. Whai muri i tēnei ka rangona tētehi waiata takawhitiwhiti, ko ‘Tūtira mai’ te waiata whakamutunga.
Ka timata te whakaaturanga o Mana Tangata, ka patapatai ki a Harry Ngatai nō Ngāi Te Rangi, nō Ngāpuhi hoki. Ka taki pepeha a Ngatai. I haere ia ki Te Kura o Te Moutere o Matakana, i haere hoki ia ki Te Kura Tuarua o Te Aute i ngā tau 1946-1950, ki Waipapa Taumata Rau me kī, ki Te Whare Wānanga o Tāmaki Makaurau. Ko Bruce Biggs rāua kō Matt Te Hau ngā kaiwhakaako i taua wā. Ko Frank McPherson tētehi o ana hoa i tēnei wā. Nō te whānau Murray tōna koroua i te taha o tōna whaea.
Kua tū ia hei kaiako ki Raukura, Te Kura Tuarua mō ngā Tamatāne i Rotorua, e 37 ngā tau i reira. Whai muri i tēnei, i pāngia tana hoa wahine ki te mate pukupuku, nā reira i hūnuku ngā tokorua ki Piripane i te tau 1986, kia whai oranga rāua ki te taha o tā rāua tama me tā rāua mokopuna tuatahi.
Mai i te tau 1973 ki te tau 1988, kō Ngatai rāua ko tana taokete a Derek Morrison ngā kaiwhakahaere o te New Zealand Māori Golf Association.
Ka kōrero mō tana hapori ki Ahitereiria, āna piki me āna heke, me te ngana kia whakatū marae ki Piripane. Ka kōrero mō āna mahi whakahaere teihana reo irirangi Māori.
Ka oti ki ētehi waiata arotini reo Māori.