He Reo Rongomaiwhiti
Tirohia ēnei taonga kōrero, i puta mai i ngā tekau tau kua hori, e makere noa ana i ngā arero o ngā kākā tarahae o tēnā moka, o tēnā whaitua o te motu.
He waiwai ngā kohikohinga rokiroki mō te hunga ako i te reo. I mau ai ngā reo o ngā kaikōrero Māori i kaumātua ake ki ngā kāinga kōrero Māori.
Mehemea koe e ako ana, e matatau ana rānei ki tō tātou reo, mā ēnei taonga koe e āwhina kia kaha ai tō mōhiotanga ki te reo o mua, me te tūhura i ngā tini āhuatanga kāore pea e kaha kōrerotia ana ināianei rangi.
Tirohia ngā taonga i raro iho nei, kua whakarōpūngia ki ngā rohe o ngā kaikōrero, hei rauemi ako māu.
Kei te pito whakararo o ia taonga he wāhanga e whakaatu ana i ngā kupu motuhake, ngā kīanga, ngā kupu mino, te mita hoki o tēnā kaikōrero, o tēnā rohe, o tēnā iwi. Mā reira koe e āwhina ki te tautohu i ngā āhuatanga reo o ngā kaikōrero, o aua rohe anō hoki.
Ngā manu kōrero o te Tai Hauāuru.
Te reo o te Nāti.
Te Hāro o te Kāhu.
He Mana Heke Iho.
Kāi Tahu tītī ā-kai, tītī ā-manawa.
Te Rohe o Ngāti Maniapoto.
Ko Rangitāne ki Manawatū, Horowhenua, Wairarapa, Wairau.
Whakaahua matua: Ngā tamariki e ako ana i te reo Māori ki tētahi hōtaka Raumati, i te tau 1983, Tapuaka – Heritage & Archive Collections, ref: VUVCP0293.