Nga Kohinga Kōrero / Ruia Mai.

25/09/01 Po marie e te iwi ko Annabel Lee ahau e kawe atu i nga Kohinga Kōrero o te wa.
Hei te po nei ka whai mai nga take e pa ana ki te hui whanaungatanga ki
waitangi, nga kaipatu ahi o te apooro nui, a kia mutu me kōrero tatou ki a
Tipene Manihera mo Osama bin Laden.
Engari hei te tuatahu kia huri ake tatou ki tenei kaupapa

A tenei rangi ka tiimata tetahi hui hauora mo Te Tai Tokerau, ki roto o
Waitangi.
He mea karanga tenei hui e te roopu o TE Manga Puriri.

KO te kaupapa ka waanangahia, kei roto i nga tikanga Māori te ara hei patu i
te inu waipiro me te kai taru.

Kia huri ake taatau ki te whakarongo kia Shane Wikaira, tetahi o nga
kaiwhakarite i te hui.

Audio

ko Shane Wikaira tera

A te Ratapu o tenei marama ka tuu he hui whakawhanaunga tanga ki runga i te
marae O Waitangi Moko ki Te Puke.

Ko te putake o tenei huihuinga kia tukua he wahanga ki nga uri o tenei tipuna
Tapuika.

Audio

Kei te pukumahi tonu nga kaipatu ahi o Amerika ki te rapurapu haere i nga
tuupapaku i roto i te taone o Te AporoNui.

Heoi ano ko nga kaipatu tere, i mau kee ki roto i nga whare teitei, i turaki
i nga wiki e rua ki muri, mate tonu atu.

I Aotearoa nei i whakatuuhia etahi raa whakamaumaharatanga kia ratau. Kia
huri ake inaianei ki te whakarongo kia Piki Thomas mo enei aituaa.

Audio

Kua puta te kōrero a nga kairangahau o Amerika araa "The Internal Security
Council", me tupato a Aotearoa ki nga hunga e paa whakapapa anaa ki te
tangata nei a Osama bin Laden.

Koia nei nga ahuatanga kua kitea e Amerika i runga i te whakaaro he whenua
penei ia Aotearoa he whenua pai mo enei momo tangata hei hunaa.

Kia huri tatou ki te whai i nga whakaaro Tipene Manihera.

----