Tāngata:
Tākuta Tahuatahi Tui Adams (Tui), (kaikōrero/speaker)
Wāhi:
Te Rohe o Maniapoto, Ōtorohanga,
Horotiu, Kirikiriroa, Ngāruawāhia
Pitopito kōrero:
Ko te wāhanga o Te Tauākī tēnei i waihangatia e Te Reo Irirangi o Raukawa.
Ka rongo ki ngā kōrero a tētehi kaumātua rongonui o Tainui, arā ko Tākuta Tūī Adams. Kua hoki whakamuri ana mahara ki tana tupuranga i te rohe o Ngāti Maniapoto me ngā mahi kua oti i a ia. I te wā o tēnei uiui, ko ia te māngai mō te Kōmihana Pirihimana o Aotearoa.
Ko Rangitoto, ko Pirongia ngā maunga.
I haere ia ki te Kura Tuatahi o Ōtorohanga.
I te wā o te pakanga tuarua, kuraina ai ia ki Kirikiriroa.
He hoa tākaro whutupāoro a Colin Meads nōna.
Ko ngā tūmomo mahi āna ko te keri waro, te kawe kirīmi, te patu kararehe ki Horotiu, te tīhore hipi, me te wāwā kau.
Ka kōrero ia mō te reo i te kāinga me āna tamariki, mokopuna.
I tana pakeketanga i whāngaihia ia e Hēnare Tūwhāngai me ngā kaumātua o taua wā ki ngā tikanga me ngā kōrero hōhonu mō te iwi.
Kātahi a Tui ka noho hei reo mō Te Atairangikaahu.
Nā wai rā, ka riro māna te tūranga kaumātua mō te Tari Toko i te Ora. Kātahi ka tukuna ia ki te mahi tahi me te Minita o Te Manatū Waka, arō ko Margaret Bazely. Nō muri i tērā i te taha o te Kaikōmihana Pirihimana, o Rob Robinson ia e mahi ana. Ko tōna hiahia kia whakatū tētehi rōpū Māori hei tiaki i te kōmihana.
Ka mutu, ka hoki ana mahara ki te wā e mahi ana ia ki te Wānanga o Aotearoa. Ko Rongo Wetere te tumuaki. Ka tīmata ngā akoranga hou mō ngā kaumātua o Tainui.