WHARE MĀORI
Exploring the unique architectural history of Māori.
“He pakipūmeka ātahu a WHARE MĀORI e tirotiro ana ki te hītori hoahoanga ahurei o ō tātau tūpuna Māori. Ka titiro ki ngā kōrero ā ngā tāngata i mahi tahi ki te hanga whare, hai wāhi whakanui; karakia; ako; whakahaere tikanga hoki.
Kei UNITEC i Tāmaki Makaurau a Rau Hoskins, kaihoahoa (Ngā Puhi), e whakaako ana i te ao hoahoanga Māori, ā, ko ia te tumuaki o Design Tribe Limited. Hei Kaikōrero mō WHARE MĀORI, ka kawea e ia te hunga mātaki puta noa i te motu, ki te tirotiro haere ki te hītori rangatira o te hoahoanga Māori, me ngā tikanga o nāianei me anamata.”
MTS; www.maoritelevision.com; 30/11/2011
Kei tēnei hōtaka, e titiro ana a Rau Hoskins ki ngā whare i hangaia runga o te mana wāhine.
Kei Ngāruawāhia ka kōrero mai ngā pou kuia ko Rena Ngatai rāua ko Hera White e pā ana ki te marae o Tūrangawaewae, me ngā whare ko Mahinārangi rāua ko Tūrongo. Nā te pukumahi o ngā rangatira ko Te Puia Herangi, ko Apirana Ngata, arā ko te tohunga whakairo ko Piri Poutapu. Ko Turangawaewae House he Whare Paremata o te Kiingitanga i taua wā anō, e noho ana i tēnei wā ko Kiingi Tuheitia.
Ko te whare tupuna wahine ko Rongomaiwahine, kei Mohaka Marae. Ko Tangiwai Newton nō Ngati Kahungunu rāua ko Charlie King he kaumatua nō Tainui e kōrero mai ana, rātou katoa ko Tryphena Cracknell nō Rongomaiwahine.
Ko Rongomaiwahine he whare tāpere, whare kanikani he porohita te āhua, nā nga kuia te kōrero mo tēnei whare, ko Margaret Cole ratou ko Marie Moses ko Mateora Lillian Aranui, nō Ngāti Pāhauwera.
Ko Te Rau Aroha Marae kei Awarua, he whare tupuna wahine nō Kāi Tahu. Nā Hana Morgan nō Ngāi Tahu te kōrero mo te whare. Ko William Thompson hoki he kōrero nō ngā iwi o Waitaha, Kāti Mamoe, Kāī Tahu me Ngāti Kahungunu. Ko Suzanne Spencer he uri anō nō Murihiku.
Ngā mihi nui ki a:
Rena Ngatai
Hera White
Turangawaewae Marae Komiti
Tangiwai Newton
Johnny Keefe
Charlie King
Tryphena Cracknell
Margaret Cole
Marie Moses
Mateora Lillian Aranui
Hana Morgan
William Thompson
Suzanne Spencer