He hōtaka reo Māori a Te Karere mō ngā take o te wā.
Kaikawe kōrero: Scotty Morrison, Eruera Rerekura, Te Rina Kowhai, Hania Douglas, Te Okiwa McLean, Tamati Rimene-Sproat, Krystal-Lee Brown.
Kaupapa tuatahi:
Kua puta te ihu o te pire e whakakore ana i ngā kura hourua i tana pānuitanga tuatahi i te whare Paremata.
Manuhiri: Kelvin Davis (Minita Take Mātauranga Tuarua), Graeme Osbourne (Toihau, E Tipu e Rea), Willie Jackson (Reipa)
Kaupapa tuarua:
He pire anō kua tau ki te aroaro o te whare Paremata hei wānanga mā rātou. Kei te pīrangi te Kāwanatanga ki te tango i te mahi whakatahe pēpi i ngā ture māhie o te motu.
Kaupapa tuatoru:
Kei te whakamahi a Lotto Aotearoa i ngā tikanga e pā ana ki te tauhou Hainamana hei hoko atu i ā rātou tīkiti. Engari, kāore tētahi ratonga hauora Māori i te rata.
Manuhiri: Ants Hawke, Hāpai te Hauora (Kaiwhakahaere).
Kaupapa tuawhā:
Kua huri te Minita Whakawhanake Māori ō mua ki te whakawhanake i ngā rangatira o āpōpō. Kua hono a Te Ururoa Flavell ki te kāhui kaiako o Te Whare Wānanga o Waikato.
Manuhiri: Sarah-Jane Tiakiwai (Tumuaki Māori Tuarua), Tom Roa (Manukura), Te Ururoa Flavell (Te Arawa), Pou Temara (Ahorangi).
Kaupapa tuarima:
Kua whai te kiriata rongonui o te rākau tapu a Thor: Ragnarok i ngā kupu hauraro Māori nā Matewa Media aua kupu hauraro i rapa atu ki taua kiriata.
Manuhiri: Tweedie Waititi (Kaiwhakahaere, Matewa Media).
Kaupapa hākinakina:
He tokorua nō Te Tai Rāwhiti kei te takahī i tō rāua ake ara ki wāhi moemoeā. Nā te pai o ā rāua pūkenga eke hōiho, kua karangahia rāua e te karapu Hurtwood Park Polo mō te whakataetae nui taioreore e tū mai nei.
Manuhiri: Waitakeo Banks (Ngāti Porou), Harriet Kuru (Kaiwhakahaere), Wirihana Kururangi (Ngāti Porou).
Nō Te Whanganui a Tara a Lewis Clareburt, tekau waru ōna tau, heoi kua karangahia ia e te kapa kauhoe o Aotearoa mō te whakataetae Taumāhekeheke Hoa Whenua ka tū hei te marama o Paengawhāwhā.
Ngā tohu huarere o te wā.
Kaupapa tuaono:
Kua tatū mai te hunga e pīkoko ana ki ngā mahi toi ki te whare tapere o Te Pou hei tautoko i ngā mahi o ngā rangatakapū hou.
Manuhiri: Briar Collard (Kaiwhakarite), Tainui Tukiwaho (Kaihautū), Mauri-Oho Stokes (Kaiwhakaari), Amber Cureen (Kaihautū).