He hōtaka reo Māori a Te Karere mō ngā take o te wā.
Kaikawe kōrero: Scotty Morrison, Irena Smith, Eruera Rerekura, Hania Douglas, Tāmati Rīmene-Sproat, Tūmamao Harawira, Te Ōkiwa McLean.
Kaupapa tuatahi: Kua tae mai ngā kawekawe tuatahi o te wheke āwha nei o Hola ki tēnei whenua.
Kaupapa tuarua: Kei te whai hihiritanga te karanga kia mutu tā ngā pirihimana aruaru i te hunga e oma atu ana i a rātou mā runga motokā. Tokotoru ngā tāngata i mate i te aruarutanga o ngā pirihama i tētahi waka i ngā huarahi e tata ana ki Whakatū.
Kaupapa tuatoru: Kua waetohu whakaaetanga hou a Ngāti Rangi me te karauna, e oati ana te karauna kia aro nui rātou kia pai ake tā rātou mahi hei hoa mō Ngāti Rangi I roto I ngā whakaritenga o te whakaaetanga hou nei.
Manuhiri: He pūrongo nā Eruera Rerekura, Hinurewa Poutū (Ngāti Rangi), Andrew Little (Minita Take Tiriti), Che Wilson (Kaiwhakahaere Matua, Ngāti Rangi).
Kaupapa tuawhā: I tino angitū te rā maumahara ōkawa tuatahi ki ngā riri whenua o konei. I karangahia te rā nei ko Te Pūtake o te Riri, ā, i whakatūria ki Te Tai Tokerau.
Manuhiri: Aperahama Edwards (Māngai, Te Pūtake o Te Riri), Zak Henry (Ngā Kaipetihana), David Williams (Hitoriana Māori), Ruakere Hond (Māngai, Taranaki).
Kaupapa tuarima: Kua mūhore anō te kapa takiwhitu tāne o Aotearoa, i pai rātou i ngā tākaro tuatahi engari eke rawa ki ngā whiringa toa, ka whiore hume.
Manuhiri: Clark Laidlaw (Kaiako).
Kaupapa tuaono: He whakaaetanga e whai pūtea ai ngā wāhine mō te tākaro whutupōro, koia te kōrero nui i puta ake i te rā nei. Kei roto i te whakaaetanga nei ētahi whakaritenga hou e roa ake ai ngā hōpuni whakangūngū mā ngā wāhine, otirā e maha ake ai ngā tākaro mā rātou i te tau.
Kaupapa Hākinakina:
Ka kōrero a Scotty Morrison rāua ko Tūmamao Harawira mō te toanga o ngā Tama Toa ki ngā Rāpiti me te toanga o te kapa Kahurangi ki ngā Raiona.
Ngā tohu huarere o te wā.
Kaupapa tuawhitu: I tū ngā whakataetae Kapa Haka o Rangitāne me Ahitereiria I ngā rā whakatā nei.
Manuhiri: Haimona Maruera (Kaitātaki tāne, Te Tū Mataora), Pita Savage (Kaitātaki tāne, Te Tini o Rehua), Matt Keelan (Kaitātaki tāne, Manawa Mai Tawhiti), Melany Kerr (Kaitātaki wahine).