I tae mai te tini me te mano ki te Whare Takiura o Manukau i Ōtara i tēnei rā hei whakahōnore i te rua tekau tau nō te whakatūwheratanga i te marae Ngā Kete Wānanga. Hei whakamānawa i te kaupapa, e whakamānuhia ana he pūrongo rautaki e whakamārama ana i te ngākau nui ake o te Whare Takiura o Manukau ki te Māori. Karere: Piripi Taylor. Peeni Henare, MP, Tāmaki Makaurau. Fred Harrison, Kai-Whakairo. Rachel Tuwhangai, Kaunihera o te Whare Takiura o Manukau. Dr Robert Sullivan, Tāhuhu Rangapū Tuarua, MIT.
He aituā i te tonga o Tāmaki Makaurau. Kotahi te tangata i patua kia mate noa i Māngere i tēnei ahiahi.
E ai ki te Minita Take Pūtea me te Minita Take Pirihimana ka tika te kāpeneheiha ki te hunga mau pū i roto i te ono marama kua whakaritea hei hoko i aua pū. Ko te puna pūtea e wātea ana mō te hoko pū kua whakapikihia mā te $40 miriona tāra, nā te pūtea takoha a te Kaporeihana Āwhina i te Hunga Whara. He kaupapa i whai i te parekura i mate ai ngā Ihirama i Ōtautahi i te marama o Māehe.
Kei te kaha rongo ngā iwi taketake puta noa i te ao i te ngau o te āhuarangi. Jannie Staffansson, Kaikōrero mō te iwi Sami, Arctic Council. Mike Smith, Māngai Take Āhuarangi, Kāhui Rangatira a Iwi.
Ko nga whakamaharatanga mō te taenga mai a Kāpene Kuki ki Tūranganui-a-Kiwa tētahi take i kaha werohia e ngā kapa haka kura tuaraua o Te Tai Rāwhiti. Ko Tūranga Wahine Tūranga Tāne te kapa i eke ki te taumata. I tūhono atu ai te Kura Kaupapa Māori o Hawaiki Hou me te Kura Kaupapa Māori o Kawakawa-mai-Tawhiti, arā ko Ngā Wai Weherua tērā ka eke ki te pae tuarua. Ko Rītana ka eke ki te pae tuatoru. Karere: Te Kuru Dewes. Tuteari Te Rauna-Lamont, Tūranga Wahine Tūranga Tāne. Tyson Bird, Ngā Wai Weherua. Te Amorutu Broughton, Te Kura Kaupapa Māori o Horouta Wānanga.
E whakarite ana te kapa Mamaku mō te tōnamana Super Series ka tū ki Sandiego ā tērā wiki. Karere: James Perry. Carla Hohepa, Topapū, Mamaku. Te Kura Ngata-Aerengamate, Kaitīkape, Mamaku.
Kua tīmata a Waikato-Tainui ki te whakanui i te wā o Matariki. Ko te manu Korotangi he taniwha nō roto i a Tainui Waka. I ngā rā o mua i riro te taonga ki te Pākehā, engari he nui ake ngā kōrero mō te taonga nei i hoki mai ki Tūrangawaewae Marae i te tau 1995. Karere: Kawe Roes. Ataahua Papa, Kaunihera o Tāmaki Makaurau, Kaiwhakarite. Huirama Matatahi, Waikato-Tainui, Waahi Pā. Alf Filipaina, Kaunihera, Tāmaki Makaurau.
Ki tā ngā rōpū hāpai whānau, he nui tonu te pīrangitia o nga rawa hei whakamahana i nga whānau i te tatunga mai o te takurua. Ko te Koha Shed kei roto i a Whanganui kāore i taea te whakawhāngai i te rahi. Sherron Sunnex, Kaiwhakahaere, The Koha Shed, Mai i Whanganui.
Hei tā te kaiwhakairo ō Ngāti Huarere, a Sam Mangakahia, e wawata ana ia ki te whakapuaki i ngā āhuatanga Māori ki te ao. I tīmata a Mangakahia ki te whakairo i ngā tohu Māori i ngā ukurere. Sam Mangakahia, Kaiwhakairo, Piripane, Ahitereiria.
Kei te whakauru atu ngā kōrero mō ngā atua me ngā tīpuna Māori ki tētahi whare whakapakari tinana hou i Te Tai Tokerau. Karere: Raniera Harrison. Phoenix Ruka, Kaiwhakahaere, Common Grounds Fitness. Jamille Ruka, Kaiwhakahaere, Common Grounds Fitness. Ralph Ruka, Kaiwhakahaere, Common Grounds Fitness.
Kei te hingakore tonu te kapa Black Caps i te Ipu Kirīkiti o te Ao. Nā rātou te kapa o Awherika ki te Tonga i haukerekere i te epa whakamutunga.
Ko Oike ka mahuta mai rā ki te pae.
I peka mai ētahi tauira nō te Wharekura o Hoani Waititi, nō Manurewa nō Māngere anō hoki ki Whakaata Māori i tēnei rā. He hōparapara haere i ngā āhuatanga o te ao pouaka whakaata te mahi a ngā tauira i raro i te kaupapa o Te Kete Uru Ao. Ne’Kol Hura, Kaiako, Te Wharekura o Hoani Waititi. Grace Tahuri, Tauira. Ngawairere Pihama, Tauira.