Kua hinga te tōtara o Te Arawa me Ngāti Awa a Charlie Berryman i hē hoki tana manawa. He tangata kaha ki te whāngai i te reo Māori ki roto i te whare o Whakaata Māori, ki te motu whānui hoki. Kaikawe Kōrero: Heta Gardiner.
Ko te whakatau a tētahi kamupene ngahere nō rātou te hara i mate ai a Te Oho Mauri Piripi Bartlett i raro i te Ture o te Hauora me te Haumaru i te Mahi 2015. Nō te tau 2017 kapohia a Bartlett e te ringa o aituā i a ia e mahi ana ki rō ngahere. I tērā tau tonu mate ai tētahi whanaunga ko Niko Brooking-Hodgson ki rō ngahere. Hei te 17 o Oketopa ka hoki mai te whānau mō te whakatau whakamutunga. Kaikawe Kōrero: Te Kuru Dewes. Willie Waitoa, Kaikōrero ā-Whānau. Haumaru Mahi Aotearoa, WorkSafe NZ.
E kimi nei ngā kaiārahi nō ngā moutere e waru i ngā kura huna a te Māori e whai hua tauhokohoko ai rātou. Hui ai te hunga Pacific Cooperation Foundation ki Waikato. tīmata ngā whakaritenga ki Rangiriri Pā. Kaikawe Kōrero: Heta Gardiner. Tamaroatemu Okotai, Kuki Airani. Filimone Waqabaca, Kaikōmihana ki Whīti. Benson Nablu, Papua New Guinea.
Kua kāinga korehia tētahi whānau i Rotorua nei i te puaretanga mai o tētahi waiariki ki raro tonu i tō rātou whare. Kaikawe Kōrero: Kereama Wright. Susan Gedye, Kainoho. John Waaka, Tūhourangi Ngāti Wāhiao. Peter Brownbridge, Kaitirotiro Puia, Rotorua Lakes Council. Brad Scott, Mātanga Puia, Te Pū Ao. Steve Chadwick, Manukura, Rotorua.
Kātahi anō te Kaunihera Rangahau Hauora o Aotearoa ka tuku e rima mirona tāra ki te kaupapa Whakahā o te Pā Harakeke. He mea ārahi te kaupapa nei e te Whare Wānanga o Ōtākou, Hāpai Te Hauora, me Kōkiri Marae, me ētahi rōpū kē atu, hei whakatika kia auahi kore ai a Aotearoa. Ko te uri o Ngāpuhi me Te Aupouri a Lizzie Strickett ka ārahi i te tira rangahau o Hāpai te Hauora.
Ko tā te Ūpoko o te Rōpū o ngā Tumuaki o Te Tai Tokerau he tūtohe anō ka hua ki te kore te Minita Take Mātauranga e whakamāuru atu i ngā māharaharatanga o ngā kaiako. Karere: Tamati Tiananga. Pat Newman, Māngai Tumuaki o Te Tai Tokerau.
Hei te pō nei tīmata ai te whakataetae Cadbury Netball Series 2019. Ko ngā Fiji Pearls me te Kapa Tāne o Aotearoa kua wāwāhi i te kaupapa nei. Karere Hākinakina: James Perry.
Tētahi kaumātua nō Te Aupouri e kī ana kei te pokea e ngā kaihī arumoni tētahi moana rāhui i Te Kao. Kaikawe Kōrero: Tāiha Molyneux. Joe Conrad, Te Aupouri.
He tohu pai e kitea ana i ngā tatauranga kātahi anō ka puta i tētahi pūrongo nā Manaaki Whenua i whakapuaki i tēnei rā mō ētahi momo manu Māori e whā o te motu. Kei te piki ake te rahi o te tīrairaka, o te tūī, o te kererū anō hoki, ā, ko te tāmate haere o te Tauhou e pōturi haere ana. Karere: Piripi Taylor. Dr Eric Spurr, Kairangahau, Manaaki Whenua.
Ko Tangaroa a Kiokio ka mahuta mai rā ki te pae.