Kua ono marama a Te Taka Keegan e āwhina ana i a Kūkara ki ngā mahi whakamāori. Engari he uaua te aro a te pae paetukutuku rā ki tō tātou reo rangatira ka tika. Kaikawe Kōrero: Taroi Black. Te Taka Keegan, Reo Matihiko. Rawinia Higgins, Heamana, Te Tauira Whiri, Mai i Te Whanganui-a-Tara.
Nā Mason Durie mā tētahi kāhui rangatira Māori i whakakotahi mai ki te manaaki i ngā pēpē Māori. Kei te pupū ake tā rātou whiu kia waiho mā te Māori te arotake e pā ana ki ngā mahi kahaki pēpē a Oranga Tamariki. Kaikawe Kōrero: Heta Gardiner. Kahurangi Tariana Turia. Kahurangi Iritana Tawhiwhirangi. Kahurangi Naida Glavish. Tā Mark Solomon.
Kei te tautoko a Jean Te Huia i te karanga kia kōkiritia tētahi arotake Māori i ngā mahi a Oranga Tamariki. Jean Te Huia, Wāhine Māori Whakawhānau.
Ko te tākaro i ngā kēmū mariko te mahi nui o ā tātou rangatahi. Nā, i ngā rā whakatā nei i whakatūhia e Arepa Gamers tētahi huihuinga kēmu mariko ki Arena o Te Rauparaha hei whakanui i a Matariki. Kaikawe Kōrero: Kawe Roes. Paretao Tipoki-Hansen, Rōpū Victory Up. Mokena Tumaurirere, Arepa Gamers Club. Karamana Mikaere, Natives E-Sports.
Kua hoki mai he taonga whakairo o onamata i Parī ki te Whare Taonga o Tāmaki Makaurau. Nō te iwi o Te Rarawa te taonga nei, kua whakaingoatia ko Tangonge. Kaikawe Kōrero: Aroha Mane. Haami Piripi, Heamana, Te Rūnanga o Te Rarawa.
Kua toa te kapa Rarauhe Hiriwa i tā rātou tukinga ki a Barbados, i te whakataetae Poitarawhiti o te Ao. E 78-25 te kaute mutunga. Debbie Fuller, Pouako Tuarua, Rarauhe Hiriwa.
E noho ōrite ana te kaute mutunga i te tukinga o te kapa Broncos ki te kapa Warriors inapō, e 18-18. Kodi Nikorima, Ngā Tamatoa. Stephen Kearney, Kaiako, Ngā Tamatoa.
Kāore anō ngā Pōtae Pango kia hiki i te ipu mai i te tīmatanga o te whakataetae Kirikiti o te Ao. Engari ā taihoa tata nei, ka tuki rātou ki a Ingarangi i te whiringa toa o te whakataetae. Trent Boult, Pōtae Pango.
I ngā rā whakatā, tae ake ai te tini me te mano ki te whare hākinakina o Pullman i Manukau mō te whakataetae Tae Kwon Do ā-motu o Aotearoa. E rua ngā wahine Māori e whawhai ana kia pūmau ō rāua taitara. Kaikawe Kōrero: Jessica Tyson. Layne George, Kaiwhawhai. Ashley Porter, Kaiwhawhai.
Kua whakawhiwhia he wahine nō Ngāpuhi nō Ngāti Porou me Hāmoa te mētara kōura tuatahi mō Aotearoa i te taumāhekeheke Pacific Games 2019 mō te whakataetae taumaha hiki. Kaikawe Kōrero: Regan Paranihi. Kanah Andrews-Nahu, Kaihiki Maitai.
Ko Ohua ka mahuta mai rā ki te pae.