WAKA HUIA. POUKAI

Ko te poukai o te marae o Tūrangawaewae i tū i te tau 1987. I haere mai a Te Arawa me te Kura o Tīpene ki tēnei poukai. Ngā: whaikōrero: Hēnare Tūwhāngai (Ngāti Apakura), Kapiti Hamiora (Ngāti Wāhiao, Te Arawa).

Ka tū a Wharetoroa Kerr ki te kōrero mō ngā hui e tū mai ana ki te rohe. Ka kōrero a Rua Cooper mō Te Māori. Ko Hoki Mahara, mō te Mātua Whāngai. Ko John Ahu, mō taua kaupapa anō. Ko Te Weu Fred Pōrima mō te kore mahi a te rangatahi me ngā whenua o Te Awamutu, ngā wai o te taone. Ko Te Ngairo Hetet mō ngā whenua raupatu e hoatungia ana e te Karauna ki raro i ngā kaporeihana, me Te Kotahi Bob Mahuta anō hoki.

Ka kōrero a Hēnare Tūwhāngai e pā ana ki te tīmatanga mai o te poukai - te pāhutanga o te iwi o Waikato e te karauna. Ka tae ki te tau 1869 ka neke a Tāwhiao ki Te Kūiti.

1881 - ka tōpūngia ngā mea patu tangata, ka haria ki Arekahānara. Ka horahia, kia mutu te patu tangata. 1884 - ka haere a Tāwhiao ki Ingarangi (i te Aperira) ki te tono ki a Kuini Wikitoria kia whakahokia mai ngā whenua e te Kāwanatanga o Aotearoa.

Ko te kaupapa o te rā: kia ora ai te pani, te pouaru me te rawakore, he puna kai kē i taua wā. Hei huihuinga i a Waikato, hei pupuru i a Waikato kia kotahi rātou ki raro i te Kiingitanga.

Ka kōrerotia te whakatūnga o Te Atairangikaahu hei Kuini. I tonoa e Ngāi Te Rangi, ā, ka tukua e te Kīngi rāua ko Te Puea ki reira.

Ko te rōpū o Manutaki e tū ana i ngā whakataetae Kapa Haka i Ōtautahi i te tau 1986, ka kitea katoangia ā rātou waiata, haka, i taua tau.