He pakipūmeka Māori ka tirohia ngā take e hāngai ana te titiro ki te Māori.
Weekly documentary series with issues of interest to the Māori community.
I titiro ana te hōtaka nei ki ngā momo mahi hauora o ngā tau ki muri, ā, e mahia tonutia ana i ēnei wā.
E kōrerotia ana mo ngā tohu e kitea mai ai ā whatu nei otirā a roto nei hoki. Ko ngā tohunga ngā mea i tino mōhio ki ngā tohu me ngā whakamārama e pā ana ki aua tohu.
“Kei ngā tohunga ngā pukenga katoa kei a tātau o te ao Māori”.
Hei tā ētahi ka tarea e te tohunga te whakatika, te whakahēngia rānei ma te whakaaro.
I pēhia ngā tohunga e te ture pēhi tohunga i te timatatanga o te rautau kua hipa ā, i ākina taua ture e ngā mema paremata Māori pēnei i a Tā Turi Carol me Tā Māui Pōmare. I tino pokea te Māori i ngā mate o te Pākeha me te rironga a ōna whenua me ngā hoa haere o tērā i taua wā. Koia tētahi ture i whakaarohia ākuni pea ka āwhina te iwi Māori. Nō konei i raru ai te tukuna ihotia o te mātauranga Māori.
Nā te āhuatanga o te Pākehā me ōna tikanga whenua i ngaro ai ngā rongoa Māori. I te mea e tupu ana i roto i te ngahere Māori.
E ai ki ngā kōrero he tohunga ētahi tāngata e mahi ana anō hoki i te mahi tohunga engari kāre rātau i te mōhio he tohunga rātau.
E whakaatuhia ana rā ngā tāngata e takaro ana i ngā takaro hauora Māori i runga i te marae. Ka rongo koe i a Naida Glavish e whakamārama haere te kupu hauora, hei tāna he maha tonu ngā momo hau e whakaora ana i te tangata.
I roto i te wānanga e whakaatuhia ana i tēnei hotaka ka ako ngā pia i te whakapapa o te kawakawa, te kaupare, me te kumarahou, he rongoa Māori, he aha rā te rongoā ko te rongo o ngā Atua,
Ngahere - ko ngā tikanga e here ana a Tāne ki te Ao.
Ka kitea a Papa Jo e whakaatu ana i āna mahi me āna taputapu e whakamahia ana e ia. E kōrero ana ia mo te mauri kei roto i āna taputapu.
Kaikōrero:
Miki Apiti
Papa Hohepa Delamere (Te Whānau-a-Apanui)
Naida Glavish (Ngāti Whātua)
Mihi Ratima-Ahurangi Hauora Māori AUT (Te Whakatōhea Ngāti Awa)
Rawiri Paraone Tai Tin (Ngāpuhi)
Ropata Paora (Te Taou, Ngāti Korokoro, Te Pouaka)
Tihini Grant (Te Arawa)
Whareparoa Nepe (Ngāti Porou)
Ngareta Rauwhero (Waikato)
Warren Pohatu (Ngāti Porou)
Ngā Tāngata e Kitea ana:
Tā Turi Carol (Ngāti Kahungunu), Tā Māui Pōmare (Ngāti Mutunga), Kaa Williams (Ngāi Tūhoe).
Ngā Wāhi e Kitea ana: Te marae o Hoani Waititi, Te Wānanga Takiura o Ngā Kura Kaupapa Māori o Aotearoa.
Ngā Ingoa e Whakahuatia ana:
Tāngata:
Rehia, Hine Tu Paerangi, Rua pō ki te Ao, Taepeha, Ngā Takaro Whai,
Wāhi: Titirangi, Pukematekeo,