WAKA HUIA - TA MOKO

Te Uhi a Mataora e hui tahi ana ki te marae o Apumoana ki Rotorua.
E kōrero ana a te Rangitakuku Kaihoro o Te Arawa, Ngāti Tūwharetoa me Te Aupōuri mō te whakapakari i ō rātou mōhiotanga mō te mahi tā moko. E kōrero ana a Manu Neho o Ngāpuhi mō te tino kaupapa o te rōpū nei kia whakarōpūtia ngā kaitā, kia whakapiki ake te mōhiotanga o te mahi tā moko. E kōrero ana a Mark Kōpua o Ngāti Porou me Te Aitanga-a-Hauiti mō ngā tini āhuatanga kei roto i ēnei mahi.
E mea ana a Derek Lardelli o Ngāti Porou me Rongowhakaata kia whakakotahi ai ngā whakaaro o ngā tāngata e mahi tā moko ana, kia whakatōputia ngā kupu kōrero. He hiahia nō Christine Harvey o Ngāti Mutunga me Moriori iwi ki te whai i te mātauranga mō ēnei mahi.
I ahu mai te moko i te ao tawhito, i a Mataora. He taonga hoki nā Rūaumoko. Ka kōrero mō Niwareka, he tuahine nō te wharepora.
Ka kōrero ki tētehi wāhine kua whiwhi moko kauae mai i a Christen Harvey, ko te moko o tōna kuia. Ka kōrero a Derek mō te moko, ne ngā whakapapa kei roto. He kirituhi te moko ki runga i te kiri a te Pākehā.
Kua oti te hui nei, kua tūtuki ngā mahi nei.

Te Uhi, a collective group of experts of ta moko, discuss issues on the revival of this ancient art form.