Intricate stone carving.

Ngā hononga ki ngā kaitiaki

Ka mahi tahi a Ngā Taonga me ngā kaitiaki hei whakamana i te whānau, i te hapū, i te iwi hoki e hono ana ki ngā taonga Māori.

He aha te kaitiaki?

Ko te kaitiaki he tangata, he rōpū rānei (pērā i te iwi, hapū, whānau rānei) e pūmau ana te tiakinatanga o ngā taonga e kī ana he nui ngā āhuatanga o te Ao Māori.

He take nui mā Ngā Taonga kia whakamōhio atu ahakoa e tiakina e mātou ngā taonga o te kohinga, ehara rawa mātou i ngā kaitiaki, engari kē he kaipupuri.

Kaitiaki me Tiakina

He tūranga whakahirahira te Kaitiaki ki Ngā Taonga, kua hangaia e mātou a Tiakina ki te whakamihi me te whakamōhio i te mana me te hononga o ngā whānau, hapū, iwi hoki ki Te Kohinga Taonga Māori.

Tirohia ētahi atu kōrero mō Tiakina ki te whārangi nei.

Ka pēhea tā mātou mahi tahi ki ngā kaitiaki?

Ka āta mahi mātou i ngā kaitiaki o ngā iwi, kia tūhono atu ai ngā kohinga ki ngā tāngata me ngā wāhi e pā ana ki aua kohinga. Ko ngā kaitiaki ngā uri whakatipu, ā, kei a rātou te kupu whakamutunga mēnā ka whakamahia ngā whakaahua me ngā kupu o ō rātou tīpuna hei mahi moni.

Hei tāpiri atu, ka whakawhanaungahia haerehia e Ngā Taonga Sound & Vision i waenga i ngā iwi, i ngā hapū me ngā whānau kia pai ai tā rātou hono ki ēnei hītōria o rātou. E pīrangi ana mātou kia ako, kia whakangungu haere rātou mā ēnei huarahi:

  • kia mahia mai e ngā mema o ngā iwi ki runga i ngā kaupapa o konei
  • ngā rauemi ā-rohe
  • he kaupapa ārahi
  • te tautoko i ngā hangarau
  • he whakaaturanga kiriata i ngā rohe

Kei te whai a Ngā Taonga i ana whāinga matua e rua, ki te rokiroki i ana kohinga ki te taumata o te mahi rokiroki, kia toro mai hoki te iwi ki aua taonga. Kei te taurimatia ngā kohinga kia noho tonu atu ai te kaitiakitanga me te mana o aua taonga ki ngā tāngata nā rātou aua taonga, ka mau tonu ai ngā tika katoa.

Tirohia ētahi atu kōrero mō ngā taonga Māori ki Te Kohinga Māori.

Ko ētahi tauira mahi ki ngā kaitiaki

Nā ngā kaitiaki i āwhina kia whakawātea i ngā kohinga me te kaupapa Mātauranga Māori

23 June 2022

Ia tau ka tirohia e Ngā Taonga tōna kohinga taonga, ā, ka whakaputangia tētehi whakaaturanga hāngai hei whakanui i a Matariki.
Matariki night sky

3 February 2023

10,000 pea ngā tāngata i huihui ki te marae o Te Tii ki te whakanui ōkawatanga tuatahi o Te Tiriti o Waitangi.

13 June 2022

Norman was one of 21,000 US Marines who arrived in the Wellington region to prepare for or recover from combat in the Pacific, between June 1942 and November 1943.
A congo line at the American Red Cross "Cecil Club" in Wellington during WWII.