He mea whakaatu nā Ngā Taonga: He Tirotiro Whakamuri

NGĀ WHAKANUITANGA O WAITANGI 1934

Nā New Zealand Government Publicity Office

I te 6 o Huitanguru 1934 – 94 tau nō muri i te hainatanga o Te Tiriti – Ka tū te hui whakanui tuatahi a te motu i te tūtakitanga o ngā iwi e rua ki te Papa o Te Tiriti. I tū tētahi hui motuhake ki Te Tii Marae i Waitangi, ā, tata ki te tekau mano tāngata i tae ā-tinana mai i ngā tōpito e whā o te motu ki te whakarongo ki ngā whaikōrero me te mātakitaki i ngā mahi a te rēhia.

I hopukina ngā kiriata nei e Te Tari Whakatairanga o te Kāwanatanga o Niu Tīreni, ā, ko aua kiriata tonu ka kitea i roto i He Tirotiro Whakamuri – A Treasured Glimpse of Waitangi. I te wāhanga tuatahi o te hōtaka, ka kitea te Kāwana Tianara a Lord Bledisloe, rātou ko tana hoa wahine a Hon Bertha Susan, ko Kepa Ehau, te kaiwhakamāori o Pāremata, te kaumātua rongonui o Te Arawa ko Mita Taupopoki, me te tini noa atu. Ka tū ngā kapa haka a Te Arawa, a Ngāti Tūwharetoa, a Ngāpuhi me ētahi atu iwi, tae atu ki tētahi rōpū manea nō Rarotonga i tae mai ki te tautoko i te whakatuwheratanga o te wharenui, o Te Hono-ki-Rarotonga, ki Pākirikiri Marae i Tokomaru.

Nā te tawhito o ēnei kiriata, kīhai i taea ētahi o ngā oro te pupuri; heoi, ka tāpirihia ngā kupu whakamārama i ngā wāhi e taea ana.

TE RĀ O WAITANGI 1990

He wāhanga o te whaikōrero a Pīhopa Whakahuihui Vercoe mai i ngā whakanuitanga o Waitangi i te tau 1990.

Tātou Tātou, One People
He mea tuku mai nā TVNZ Te Reo Tātaki o Aotearoa

Mā te wāhanga tuarua o te hōtaka nei e kawe whakamua ai te kaimātaki ki ngā whakanuitanga o Waitangi i te tau 1990, e 150 tau mai i te hainatanga o Te Tiriti. I reira anō te Kuini o Ingarangi, a Kuini Irihāpeti te Tuarua, rātou ko te Pirimia, a Geoffrey Palmer, ko Tā Graham Latimer anō hoki o Te Kaunihera Māori o Niu Tīreni. Ka rangona te waha hītararī o te marea i mua i te tīmatanga o te whaikōrero nui a Pīhopa Whakahuihui Vercoe e whakaputa ana i tana whakapae, "kāore tātou i te whakahōnore i a tātou anō."